Rosneft styrkir stöðu sína enn frekar

Breska olíufyrirtækið BP PLC hyggst selja hlut sinn í félaginu TNK-BP, sem hefur leyfi til olíuvinnslu í rússnesku landssvæði, til rússneska olíu- og jarðgasrisans Rosneft og verður tilkynnt formlega um söluna á morgun. Frá þessu var greint á vefsíðu Wall Street Journal í dag.

BP PLC á 50 prósent hlut í TNK-BP en ætlar sér sem fyrr segir að selja hlutinn. Þar með styrkir Rosneft sig enn frekar á heimasvæði sínu, en vöxtur fyrirtækisins hefur verið gríðarlega hraður undanfarin ár.

Fyrirtækið er að langstærstum hluta í eigu rússneska ríkisins.

Heilartekjur Rosneft árið 2011 námu 92 milljörðum dala, eða sem nemur 11.500 milljörðum króna. Tekjurnar jukust um 46 prósent frá árinu 2010.

Sjá má frétt WSJ hér.