Er Barca enn besta liðið? Sigurður Elvar Þórólfsson skrifar 14. febrúar 2012 07:00 nordicphotos/getty Sextán liða úrslit Meistaradeildarinnar byrja í kvöld og augu flestra verða á leik Evrópumeistara Barcelona sem hafa ekki verið alltof sannfærandi en munu heimsækja þýska liðið Bayer Leverkusen. Reynir Leósson þekkir vel til liðanna. Meistaradeild Evrópu hefst á ný eftir vetrarhlé í kvöld og fara fram tveir leikir í 16-liða úrslitum keppninnar. Þar ber hæst leikur Evrópumeistaraliðs Barcelona frá Spáni sem mætir Bayer Leverkusen í Þýskalandi. Franska liðið Lyon tekur á móti APOEL frá Kýpur í hinni viðureign kvöldsins. Báðir leikirnir eru í beinni útsendingu á Stöð 2 sport og að venju verður ítarleg umfjöllun um viðureignirnar fyrir og eftir leik. Knattspyrnumaðurinn Reynir Leósson er líkt og aðrir fótboltaáhugamenn spenntur yfir því að Meistaradeildin sé að hefjast á ný – en Reynir er einn af sérfræðingunum í Meistaradeildarþáttunum á Stöð 2 sport. Upphitun fyrir leikina hefst kl. 19.00 þar sem Þorsteinn J. Vilhjálmsson ræðir um viðureignirnar við sérfræðingana Reyni og Pétur Marteinsson. „Það verður spennandi að sjá hvar Þjóðverjar standa í samanburðinum við besta félagslið heims undanfarin misseri," sagði Reynir þegar hann var spurður um við hverju má búast í stórleik Bayer Leverkusen og Barcelona. „Það má ekki gleyma því að að Barcelona skoraði 4 mörk að meðaltali í útileikjum sínum í riðlakeppninni. Það er mikið afrek og aðeins frábær lið sem gera slíkt." Barcelona sigraði með yfirburðum í H-riðli þar sem liðið vann 5 leiki og gerði eitt jafntefli. Leverkusen endaði í öðru sæti með 10 stig í E-riðli á eftir Chelsea sem fékk 11 stig. Aðspurður segir Reynir að Leverkusen sé með frábæra leikmenn sem vert sé að veita athygli. „Leverkusen er með stóran kjarna af Þjóðverjum í liðinu, en það eru yfirleitt 8-9 þýskir leikmenn í byrjunarliðinu. Framherjinn stæðilegi Stefan Kiessling er spennandi leikmaður, stór og sterkur, um 1,90 m á hæð, og gríðarlega sterkur skallamaður. Hann hefur reyndar aðeins skorað eitt mark á tímabilinu en er samt sem áður hættulegur leikmaður. Kantmennirnir Sidney Sam og André Schürrle eru hraðir og teknískir ungir leikmenn frá Þýskalandi. Þetta eru nöfn sem vert er að leggja á minnið." Að mati Reynis verður róðurinn þungur hjá Leverkusen. „Ég tel að úrslitin í þessum leik ráðist á miðsvæðinu. Þar ræður Barcelona ríkjum þrátt fyrir að liðið hafi aðeins hikstað eftir tilkomu Fabregas. Ég ætla samt sem áður ekki að afskrifa Leverkusen alveg strax. Þeir mega ekki gefa of mikið svæði á milli varnar og miðju fyrir miðjumenn Barcelona til þess að athafna sig. Ekkert lið getur komist upp með það að láta slitna á milli miðju og varnar gegn Barcelona. Í sóknarleiknum gæti Leverkusen nýtt sér veikleika í vörn Barcelona. Þeir þurfa að senda margar fyrirgjafir inn í vítateiginn og láta miðverði Barcelona hafa fyrir því. Þeir hafa oft lent í vandræðum með háa og líkamlega sterka leikmenn. Hápressan hefur ekki verið að virka hjá Barcelona í deildinni að undanförnu. Það er ástæðan fyrir því að þeir hafa verið að fá svona mörg mörk á sig. Varnarlínan hefur fengið of mikið að gera eftir lélega pressu. Það er lykilatriðið fyrir Leverkusen að þora að halda boltanum, spila sig í gegnum pressuvörnina hjá Barcelona, koma boltanum út á kantana og fá góðar fyrirgjafir. Ef þeim tekst það gætu þeir sært Barcelona líkt og Osasuna gerði í síðustu umferð spænsku deildarkeppninnar," sagði Reynir Leósson. Meistaradeild Evrópu Mest lesið Dómarar í ævilangt bann eftir kynlífsmyndband Fótbolti Jakob Birgisson fer á kostum sem Gummi Ben í Körfuboltakvöldi Extra Körfubolti Dunne telur að Heimir gæti misst starfið strax Fótbolti Safnaði kröftum á Íslandi eftir brottrekstur Fótbolti Ótrúleg vika í lífi Teits Örlygs: „Skiljanleg viðbrögð“ Körfubolti Man City og enska úrvalsdeildin segjast bæði hafa borið sigur úr býtum Enski boltinn Tárvot Ásta sátt í hjarta sínu með ákvörðunina Íslenski boltinn Myndasyrpa: Hulin andlit en líka bros á blönduðu grasi FH-inga Fótbolti Svona mark sést bara á nokkurra ára fresti: „Algjörlega einstakt“ Íslenski boltinn Dagur og Messi tilnefndir til verðlauna Fótbolti Fleiri fréttir „Röð tilviljana að HK sé ekki búið að fá víti í sumar“ „Getur ekki stjórnað áliti annarra“ Lineker gefur lítið fyrir slúðursögur um framtíð sína Í tíu leikja bann fyrir „Jackie Chan“ ummælin Dagur og Messi tilnefndir til verðlauna Myndasyrpa: Hulin andlit en líka bros á blönduðu grasi FH-inga Stjarnan fær akureyskan markvörð frá Grindavík Sakar stjórn Fylkis um óheiðarleika Dunne telur að Heimir gæti misst starfið strax Safnaði kröftum á Íslandi eftir brottrekstur Svona mark sést bara á nokkurra ára fresti: „Algjörlega einstakt“ Konaté mætti með nýstárlega grímu til æfinga Handrit Ástu Eirar fékk fullkomin endalok Ótrúlegir vítadómar í Þýskalandi: Tóku boltann upp tvisvar í sama leiknum Mældu tímann í Kórnum: „Mér finnst þetta alveg galið“ Dómarar í ævilangt bann eftir kynlífsmyndband Man City og enska úrvalsdeildin segjast bæði hafa borið sigur úr býtum UEFA hefur rannsókn vegna kvartana Tel Aviv Varði mark botnliðsins en bar samt af Daníel Ingi framlengir hjá Nordsjælland Hætti á samfélagsmiðlum og hættir ekki að skora Gylfi Þór ekki í hóp Vals í gær en á landsliðsæfingu í dag Tárvot Ásta sátt í hjarta sínu með ákvörðunina Karólína Lea og stöllur enn taplausar Katrín ekki með slitið krossband „Átti þetta tækifæri skilið“ Þekkti þjálfarann og fékk því himnasendingu frá Reyðarfirði Johan Neeskens fallinn frá Onana haldið oftast hreinu Cecilía fer á kostum í Mílanó Sjá meira
Sextán liða úrslit Meistaradeildarinnar byrja í kvöld og augu flestra verða á leik Evrópumeistara Barcelona sem hafa ekki verið alltof sannfærandi en munu heimsækja þýska liðið Bayer Leverkusen. Reynir Leósson þekkir vel til liðanna. Meistaradeild Evrópu hefst á ný eftir vetrarhlé í kvöld og fara fram tveir leikir í 16-liða úrslitum keppninnar. Þar ber hæst leikur Evrópumeistaraliðs Barcelona frá Spáni sem mætir Bayer Leverkusen í Þýskalandi. Franska liðið Lyon tekur á móti APOEL frá Kýpur í hinni viðureign kvöldsins. Báðir leikirnir eru í beinni útsendingu á Stöð 2 sport og að venju verður ítarleg umfjöllun um viðureignirnar fyrir og eftir leik. Knattspyrnumaðurinn Reynir Leósson er líkt og aðrir fótboltaáhugamenn spenntur yfir því að Meistaradeildin sé að hefjast á ný – en Reynir er einn af sérfræðingunum í Meistaradeildarþáttunum á Stöð 2 sport. Upphitun fyrir leikina hefst kl. 19.00 þar sem Þorsteinn J. Vilhjálmsson ræðir um viðureignirnar við sérfræðingana Reyni og Pétur Marteinsson. „Það verður spennandi að sjá hvar Þjóðverjar standa í samanburðinum við besta félagslið heims undanfarin misseri," sagði Reynir þegar hann var spurður um við hverju má búast í stórleik Bayer Leverkusen og Barcelona. „Það má ekki gleyma því að að Barcelona skoraði 4 mörk að meðaltali í útileikjum sínum í riðlakeppninni. Það er mikið afrek og aðeins frábær lið sem gera slíkt." Barcelona sigraði með yfirburðum í H-riðli þar sem liðið vann 5 leiki og gerði eitt jafntefli. Leverkusen endaði í öðru sæti með 10 stig í E-riðli á eftir Chelsea sem fékk 11 stig. Aðspurður segir Reynir að Leverkusen sé með frábæra leikmenn sem vert sé að veita athygli. „Leverkusen er með stóran kjarna af Þjóðverjum í liðinu, en það eru yfirleitt 8-9 þýskir leikmenn í byrjunarliðinu. Framherjinn stæðilegi Stefan Kiessling er spennandi leikmaður, stór og sterkur, um 1,90 m á hæð, og gríðarlega sterkur skallamaður. Hann hefur reyndar aðeins skorað eitt mark á tímabilinu en er samt sem áður hættulegur leikmaður. Kantmennirnir Sidney Sam og André Schürrle eru hraðir og teknískir ungir leikmenn frá Þýskalandi. Þetta eru nöfn sem vert er að leggja á minnið." Að mati Reynis verður róðurinn þungur hjá Leverkusen. „Ég tel að úrslitin í þessum leik ráðist á miðsvæðinu. Þar ræður Barcelona ríkjum þrátt fyrir að liðið hafi aðeins hikstað eftir tilkomu Fabregas. Ég ætla samt sem áður ekki að afskrifa Leverkusen alveg strax. Þeir mega ekki gefa of mikið svæði á milli varnar og miðju fyrir miðjumenn Barcelona til þess að athafna sig. Ekkert lið getur komist upp með það að láta slitna á milli miðju og varnar gegn Barcelona. Í sóknarleiknum gæti Leverkusen nýtt sér veikleika í vörn Barcelona. Þeir þurfa að senda margar fyrirgjafir inn í vítateiginn og láta miðverði Barcelona hafa fyrir því. Þeir hafa oft lent í vandræðum með háa og líkamlega sterka leikmenn. Hápressan hefur ekki verið að virka hjá Barcelona í deildinni að undanförnu. Það er ástæðan fyrir því að þeir hafa verið að fá svona mörg mörk á sig. Varnarlínan hefur fengið of mikið að gera eftir lélega pressu. Það er lykilatriðið fyrir Leverkusen að þora að halda boltanum, spila sig í gegnum pressuvörnina hjá Barcelona, koma boltanum út á kantana og fá góðar fyrirgjafir. Ef þeim tekst það gætu þeir sært Barcelona líkt og Osasuna gerði í síðustu umferð spænsku deildarkeppninnar," sagði Reynir Leósson.
Meistaradeild Evrópu Mest lesið Dómarar í ævilangt bann eftir kynlífsmyndband Fótbolti Jakob Birgisson fer á kostum sem Gummi Ben í Körfuboltakvöldi Extra Körfubolti Dunne telur að Heimir gæti misst starfið strax Fótbolti Safnaði kröftum á Íslandi eftir brottrekstur Fótbolti Ótrúleg vika í lífi Teits Örlygs: „Skiljanleg viðbrögð“ Körfubolti Man City og enska úrvalsdeildin segjast bæði hafa borið sigur úr býtum Enski boltinn Tárvot Ásta sátt í hjarta sínu með ákvörðunina Íslenski boltinn Myndasyrpa: Hulin andlit en líka bros á blönduðu grasi FH-inga Fótbolti Svona mark sést bara á nokkurra ára fresti: „Algjörlega einstakt“ Íslenski boltinn Dagur og Messi tilnefndir til verðlauna Fótbolti Fleiri fréttir „Röð tilviljana að HK sé ekki búið að fá víti í sumar“ „Getur ekki stjórnað áliti annarra“ Lineker gefur lítið fyrir slúðursögur um framtíð sína Í tíu leikja bann fyrir „Jackie Chan“ ummælin Dagur og Messi tilnefndir til verðlauna Myndasyrpa: Hulin andlit en líka bros á blönduðu grasi FH-inga Stjarnan fær akureyskan markvörð frá Grindavík Sakar stjórn Fylkis um óheiðarleika Dunne telur að Heimir gæti misst starfið strax Safnaði kröftum á Íslandi eftir brottrekstur Svona mark sést bara á nokkurra ára fresti: „Algjörlega einstakt“ Konaté mætti með nýstárlega grímu til æfinga Handrit Ástu Eirar fékk fullkomin endalok Ótrúlegir vítadómar í Þýskalandi: Tóku boltann upp tvisvar í sama leiknum Mældu tímann í Kórnum: „Mér finnst þetta alveg galið“ Dómarar í ævilangt bann eftir kynlífsmyndband Man City og enska úrvalsdeildin segjast bæði hafa borið sigur úr býtum UEFA hefur rannsókn vegna kvartana Tel Aviv Varði mark botnliðsins en bar samt af Daníel Ingi framlengir hjá Nordsjælland Hætti á samfélagsmiðlum og hættir ekki að skora Gylfi Þór ekki í hóp Vals í gær en á landsliðsæfingu í dag Tárvot Ásta sátt í hjarta sínu með ákvörðunina Karólína Lea og stöllur enn taplausar Katrín ekki með slitið krossband „Átti þetta tækifæri skilið“ Þekkti þjálfarann og fékk því himnasendingu frá Reyðarfirði Johan Neeskens fallinn frá Onana haldið oftast hreinu Cecilía fer á kostum í Mílanó Sjá meira