Einfætti kylfingurinn | myndband Henry Birgir Gunnarsson skrifar 30. nóvember 2012 07:00 Manuel de los Santos er enginn venjulegur kylfingur. Þrátt að vera með aðeins einn fótlegg hefur honum tekist að ná ótrúlegum tökum á golfíþróttinni. Hann er kominn með þrjá í forgjöf og slær hátt í 300 metra upphafshögg. Hinn 25 ára gamli Manuel de los Santos kemur frá Dóminíska lýðveldinu. Hann hefur alla tíð verið hæfileikaríkur íþróttamaður og átti bjarta framtíð fyrir sér sem hafnaboltamaður. Það var nánast frágengið að hann myndi spila með Toronto Blye Jays í MLB-deildinni í Bandaríkjunum þegar líf hans breyttist skyndilega. Hann var þá 18 ára gamall og lenti í mótorhjólaslysi sem leiddi til þess að það varð að taka af honum annan fótinn. Eftir það varð De los Santos að hugsa lífið upp á nýtt. De los Santos lét fötlun sína ekki aftra sér frá því að taka þátt í íþróttum og árið 2003, er hann flutti til Frakklands, byrjaði hann að æfa golf. Það var Tiger Woods að þakka. „Tiger Woods er hetjan mín," sagði De los Santos sem fór að æfa eins og Tiger og notaði ráðleggingar frá honum í bókum. Hann varð líka fyrir miklum áhrifum er hann sá myndina „The Legend of Bagger Vance" en hún fjallar um kylfing sem lendir í miklu mótlæti. „Daginn eftir að ég sá myndina bað ég um að fá að fara út golfæfingasvæði. Það skiptir ekki máli þó ég hafi bara einn fótlegg. Þegar lífið gefur manni tækifæri þá verður maður að grípa það. Ég ákvað að gera það," sagði þessi ungi maður sem er orðinn fyrirmynd um allan heim. De los Santos hefur náð ótrúlegum árangri í golfinu og er þegar kominn með þrjá í forgjöf. Það sem gerir árangur hans enn eftirtektarverðari er að hann notast ekki við gervifót. Hann stendur á einum fæti og slær. Það er hreint ótrúlegt að sjá hvernig hann nær að slá hátt í 300 metra og vippar síðan eins og atvinnumaður. Hann styðst þó við hækjur á milli högga. Hann fékk stóran draum uppfylltan á dögunum er hann fékk að spila í móti atvinnumanna og áhugamanna á St. Andrew's-vellinum í Skotlandi. „Ég hef líklega aldrei séð eins góðan kylfing með þrjá í forgjöf," sagði atvinnumaðurinn Gavin Dear eftir hringinn með De los Santos en hann kom í hús á 76 höggum á þessum gríðarlega erfiða velli sem hann hafði ekki leikið áður. John Hopkins, fyrrum kylfingur og blaðamaður, var á meðal þeirra sem fylgdust með einfætta kylfingnum. „Á golfvellinum í morgun varð ég vitni að líklega því ótrúlegasta sem ég hef séð á 50 ára ferli í sportinu. Augun á mér stækkuðu af aðdáun við að horfa á De los Santos spila. Einfættur án gervifótar með upphafshögg sem ná tæplega 300 metra. Svo vippaði hann með álíka tilfinningu og Seve Ballesteros gerði á sínum tíma. Þessu mun ég aldrei gleyma," skrifaði Hopkins. Golf Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Áhorfandi fékk sex milljónir fyrir ótrúlegt skot Fótbolti Ólæti vörpuðu skugga á dramatískan borgarslag Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Dagskráin í dag: Stúkan tæklar stóru málin og Guðrún gæti orðið meistari Fótbolti „Gleymist að við tókum líka Kjarnafæðisbikarinn og getum unnið þrefalt“ Sport Tap hjá Sverri í Aþenuslagnum Fótbolti Fleiri fréttir Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira
Manuel de los Santos er enginn venjulegur kylfingur. Þrátt að vera með aðeins einn fótlegg hefur honum tekist að ná ótrúlegum tökum á golfíþróttinni. Hann er kominn með þrjá í forgjöf og slær hátt í 300 metra upphafshögg. Hinn 25 ára gamli Manuel de los Santos kemur frá Dóminíska lýðveldinu. Hann hefur alla tíð verið hæfileikaríkur íþróttamaður og átti bjarta framtíð fyrir sér sem hafnaboltamaður. Það var nánast frágengið að hann myndi spila með Toronto Blye Jays í MLB-deildinni í Bandaríkjunum þegar líf hans breyttist skyndilega. Hann var þá 18 ára gamall og lenti í mótorhjólaslysi sem leiddi til þess að það varð að taka af honum annan fótinn. Eftir það varð De los Santos að hugsa lífið upp á nýtt. De los Santos lét fötlun sína ekki aftra sér frá því að taka þátt í íþróttum og árið 2003, er hann flutti til Frakklands, byrjaði hann að æfa golf. Það var Tiger Woods að þakka. „Tiger Woods er hetjan mín," sagði De los Santos sem fór að æfa eins og Tiger og notaði ráðleggingar frá honum í bókum. Hann varð líka fyrir miklum áhrifum er hann sá myndina „The Legend of Bagger Vance" en hún fjallar um kylfing sem lendir í miklu mótlæti. „Daginn eftir að ég sá myndina bað ég um að fá að fara út golfæfingasvæði. Það skiptir ekki máli þó ég hafi bara einn fótlegg. Þegar lífið gefur manni tækifæri þá verður maður að grípa það. Ég ákvað að gera það," sagði þessi ungi maður sem er orðinn fyrirmynd um allan heim. De los Santos hefur náð ótrúlegum árangri í golfinu og er þegar kominn með þrjá í forgjöf. Það sem gerir árangur hans enn eftirtektarverðari er að hann notast ekki við gervifót. Hann stendur á einum fæti og slær. Það er hreint ótrúlegt að sjá hvernig hann nær að slá hátt í 300 metra og vippar síðan eins og atvinnumaður. Hann styðst þó við hækjur á milli högga. Hann fékk stóran draum uppfylltan á dögunum er hann fékk að spila í móti atvinnumanna og áhugamanna á St. Andrew's-vellinum í Skotlandi. „Ég hef líklega aldrei séð eins góðan kylfing með þrjá í forgjöf," sagði atvinnumaðurinn Gavin Dear eftir hringinn með De los Santos en hann kom í hús á 76 höggum á þessum gríðarlega erfiða velli sem hann hafði ekki leikið áður. John Hopkins, fyrrum kylfingur og blaðamaður, var á meðal þeirra sem fylgdust með einfætta kylfingnum. „Á golfvellinum í morgun varð ég vitni að líklega því ótrúlegasta sem ég hef séð á 50 ára ferli í sportinu. Augun á mér stækkuðu af aðdáun við að horfa á De los Santos spila. Einfættur án gervifótar með upphafshögg sem ná tæplega 300 metra. Svo vippaði hann með álíka tilfinningu og Seve Ballesteros gerði á sínum tíma. Þessu mun ég aldrei gleyma," skrifaði Hopkins.
Golf Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Áhorfandi fékk sex milljónir fyrir ótrúlegt skot Fótbolti Ólæti vörpuðu skugga á dramatískan borgarslag Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Dagskráin í dag: Stúkan tæklar stóru málin og Guðrún gæti orðið meistari Fótbolti „Gleymist að við tókum líka Kjarnafæðisbikarinn og getum unnið þrefalt“ Sport Tap hjá Sverri í Aþenuslagnum Fótbolti Fleiri fréttir Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira