Táningsstelpa sló út Serenu Williams

Serena Williams, fimmfaldur meistari á opna ástralska tennismótinu, er úr leik eftir tap á móti 19 ára stelpu í átta manna úrslitunum í nótt. Sloane Stephens vann tvö síðustu settin og tryggði sér sigurinn.

Serena Williams vann fyrsta settið 6-3 en tapaði svo tveimur í röð 5-7, 4-6. Þetta eru ein af óvæntustu úrslitum mótsins í ár.

Serena Williams er aðalfyrirmynd Sloane Stephens í tennisnum en Serena er tólf árum eldri og hefur unnið fimmtán risamót. Serena vann opna ástralska síðast árið 2010.

Sloane Stephens mætir Victoria Azarenka í undanúrslitunum en Azarenka er efst á heimslistanum. Í hinum undanúrslitaleiknum mætast síðan Maria Sharapova frá Rússlandi og Li Na frá Kína..