Afkoma ríkissjóðs versnar milli ára

Greiðsluuppgjör ríkissjóðs fyrir fyrsta ársfjórðung ársins liggur nú fyrir. Handbært fé frá rekstri dróst saman miðað við sama tímabil í fyrra og var neikvætt um 11 milljarða kr. en var neikvætt um 7,3 milljarða kr. á sama tímabili í fyrra.

Á vefsíðu stjórnarráðsins segir að tekjur hækkuðu um 4,8 milljarða kr. milli ára en gjöld jukust um 8,1 milljarð kr. Þessi útkoma er verri en áætlað var þar sem gert var ráð fyrir að handbært fé yrði jákvætt um 4,7 milljarða kr. sem skýrist að langstærstu leyti með því að tekjur reyndust lægri en gert hafði verið ráð fyrir.