Hlaupakonan magnaða Aníta Hinriksdóttir getur bætt Norðurlandameistaramótstitli við Heims- og Evrópumeistaratitla sína þegar hún tekur þá á Norðurlandamóti 19 ára og yngri sem verður haldið í Espoo í Finnlandi 17 til 18.ágúst næstkomandi.
Frjálsíþróttasambandið gaf út í dag hvaða sextán krakkar keppa fyrir hönd Íslands á þessu móti. Norðurlöndin senda öll tvo keppendur í grein en Íslendingar og Danir eru með sameiginlegt lið.
Ísland sendir aðeins einn keppenda í hverja grein og gat heldur ekki sent í keppendur í allar greinar því FRÍ fékk bara vissan kvóta. Liðið var valið eftir því hverjir náðu lágmörkum inn á mótið og síðan hvaða einstaklingar voru næst lágmörkunum og hverjir nýtast best fyrir lið Íslands og Dana.
Ísland hefur eignast nokkra Norðurlandameistara undanfarin ár og það verður vissulegan gaman að sjá hvort einhverjir bætast í hópinn í ár.
Hér fyrir neðan er íslenski hópurinn en það vekur vissulega athygli að ÍR-ingar eiga níu af sextán efnilegustu frjálsíþróttamönnum landsins.
Strákar
Kolbeinn Höður Gunnarsson, UFA (200m, 400m, 4x100m og 4x400m)
Jóhann Björn Sigurbjörnsson, UMSS (100m, 4x100m og 4x400m)
Sæmundur Ólafsson, ÍR (800m, 1500m og 4x400m)
Ingvar Hjartarson, Fjölni (5000m og 4x400m)
Leó Gunnar Víðisson, ÍR (Stangarstökk)
Stefán Velemir, ÍR (Kúluvarp og 4x100m
Hilmar Örn Jónsson, ÍR (Sleggjukast og kringlukast)
Sindri Hrafn Guðmundsson, Breiðabliki (Spjótkast og 4x100m)
Stelpur
Andrea Torfadóttir FH (100m og 4x100m)
Björg Gunnarsdóttir ÍR (400m, 4x100m og 4x400m)
Arna Stefanía Guðmundsdóttir ÍR (200m, 100m grind, 4x100m og 4x400m)
Aníta Hinriksdóttir ÍR (800m, 1500m og 4x400m)
Ásgerður Jana Ágústsdóttir UFA (Hástökk og spjótkast)
Bogey Ragnheiður Leósdóttir ÍR (Stangarstökk)
Dóróthea Jóhannesdóttir ÍR (Langstökk, þrístökk, 4x100m og 4x400m)
Vigdís Jónsdóttir FH (Sleggjukast)
Þjálfarar í þessari ferð eru Egill Eiðsson, Alberto Borges og Lovísa Hreinsdóttir. Fararstjóri er Þórunn Erlingsdóttir.
Aníta og fleiri efnileg á leiðinni til Espoo
