Óheppnasti keilari ársins

Bandaríski keilarinn Troy Walker fékk frábært tækifæri til að ná fullkomunum leik á móti í Houston í Texas um helgina.

Walker hafði náð ellefu fellum í röð þegar kom að lokaskotinu. Möguleikinn á hinum heilugu 300 stigum keilarans var því fyrir hendi. Spennan var mikil þegar Bandaríkjamaðurinn gerði sig líklegan til að skjóta. Á síðustu stundu birtist hins vegar sláin framan við keilurnar í þann mund sem Walker var tilbúinn að sleppa kúlunni.

Walker, áhorfendur og lýsendur á InsideBowling.com trúðu ekki sínum eigin augum. „Guð minn góður. Sástu þetta?“ spyr annar lýsandinn félaga sinn.

Svo fór að Walker fékk að skjóta en þá voru töfrarnir farnir úr fingrum hans. Talið er að Walker hafi ýtt á hnapp til þess að endurræsa brautina áður en hann gerði sig kláran í lokaskotið.

„Ég hélt að ég væri að endurræsa brautina við hliðina á minni,“ sagði Walker við TMZ.