Arsenal í frábærum málum í Meistaradeildinni

Arsenal er í mjög góðum málum í baráttunni sinni fyrir sæti í riðlakeppni Meistaradeildarinnar eftir 3-0 útisigur á Fenerbahce í Tyrklandi í kvöld í fyrri leik liðanna. Liðin mætast aftur á heimavelli Arsenal.

Sigur Arsenal var þægilegur og öruggur og það þarf eitthvað mikið að gerast svo að lærisveinar Arsene Wenger verði ekki með í riðlakeppninni.

Kieran Gibbs kom Arsenal í 1-0 eftir aðeins sex mínútna leik í síðari hálfleik. Gibbs fékk þá stoðsendingu Theo Walcott en það var Aaron Ramsey sem sprengdi upp vörn Tyrkjanna með frábærri stungusendingu.

Aaron Ramsey bætti síðan sjálfur við öðru marki á 64. mínútu þegar hann fékk óáreittur að leika upp að teignum og skjóta föstu skoti sem markvörður Tyrkjanna hélt ekki.

Olivier Giroud skoraði þriðja markið á 77. mínútu af öryggi úr vítaspyrnu sem dæmdar var þegar Theo Walcott var felldur í teignum. Það reyndist vera lokamark leiksins.