Ég bjóst við meiri mótspyrnu frá City

Arjen Robben, leikmaður Bayern Munchen, var sáttur eftir sigurinn gegn Manchester City í gær en liðið vann 3-1 í riðlakeppni Meistaradeildar Evrópu en leikurinn fór fram í Manchester-borg.

,,Við vorum frábærir í kvöld,“ sagði Robben eftir leikinn í gær.

„Maður bjóst við aðeins meiri mótspyrnu frá Man. City í leiknum og í raun var þetta nokkuð auðveldur sigur hjá okkur.“

„Við gáfum ekki mörg færi á okkur og nýttum okkar sóknaraðgerðir virkilega vel. Liðið getur haldið boltanum vel og við höfum ótrúleg gæði allstaðar á vellinum.“