Prinsinn með augu á krúnu Schumacher Óskar Ófeigur Jónsson skrifar 5. desember 2013 06:30 Sebastian Vettel. Mynd/NordicPhotos/Getty Michael Schumacher vann sjö heimsmeistaratitla á árunum 1994 til 2004 og það bjóst örugglega enginn við því að formúlan eignaðist annan eins yfirburðamann. Annað hefur komið á daginn og flest yfirburðatölfræðimet Schumachers eru nú annaðhvort fallin eða í mikilli hættu. Fréttablaðið skoðar í dag aðeins betur þetta magnaða metár Sebastians Vettel. Sebastian Vettel hefur þegar hreinsað upp helstu aldursmetin í formúlunni enda talsvert yngri en þegar Schumacher komst í flokk þeirra bestu en jafnframt því hafa yfirburðir þessa 26 ára Þjóðverja verið slíkir að fá met standa nú eftir óhögguð. Níu sigrar Sebastians Vettel í röð á 91 degi eftir að formúlan kom aftur úr sumarfríi í ágúst teljast nú örugglega hans stærsta afrek til þessa á mögnuðum ferli sem er þó bara rétt að byrja. Vettel missti hvorki einbeitingu né hungur við að tryggja sér fjórða heimsmeistaratitilinn í röð. Hann hélt áfram og varð sá fyrsti til að vinna níu keppnir í röð á einu tímabili. Vettel jafnaði einnig met Ítalans Alberto Ascari sem vann níu keppnir í röð á árunum 1952 og 1953 og komst upp að hlið Michaels Schumacher með því að vinna þrettánda kappaksturinn í röð á tímabilinu. Schumacher náði því árið 2004 en mót ársins voru þá einu færri en í ár.Michael Schumacher tjáði sig um afrek Sebastians Vettel í viðtali á vegum Mercedes-liðsins sem birtist á YouTube-vefnum. „Hann vann þrettán keppnir en liðsfélagi hans Mark Webber vann enga. Það er sjokkerandi. Ég er feginn að vera ekki liðsfélagi hans,“ sagði Michael Schumacher en Mark Webber hætti í formúlunni eftir tímabilið. Schumacher fagnar samt árangri landa síns. „Ef einhver getur bætt öll þessi met þá vil ég að það verði hann,“ bætti Schumacher við. Það kvarta örugglega margir yfir spennulausri formúlu enda gengur áætlun Sebastians Vettel oftast fullkomlega upp. Hann er á frábærum bíl og er oftast í fremstu röð í ræsingu. Það gefur honum jafnan færi á að komast í forystu í upphafi keppni og keyra síðan fremstur alla leið í mark. Hann er bara 26 ára gamall en heimsmeistaratitlarnir eru þegar orðnir fjórir. Á sama aldri var Schumacher nýbúinn að landa öðrum titli sínum en vann síðan ekki þann þriðja fyrr en fimm árum síðar. Þá tóku við mestu yfirburðir í sögu formúlu eitt þegar Michael Schumacher vann fimm heimsmeistaratitla í röð. Það er svo sem ekkert annað í spilunum en að Vettel jafni það met árið 2014. Aðdáendur formúlu eitt vilja að sjálfsögðu meiri keppni en hver getur ekki annað en dáðst að hinum léttlynda og hógværa Þjóðverja Sebastian Vettel sem verður eftir nokkur ár búinn að hrifsa krúnuna af Schumacher.Mynd/NordicPhotos/GettyMynd/AFPMynd/NordicPhotos/Getty Formúla Mest lesið Óttast að Alisson sé frá næstu vikurnar Enski boltinn „Hann gerir einhvern veginn alla í kringum sig betri“ Körfubolti Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn Markaskorarinn Kovačić: „Engir auðveldir leikir í þessari deild“ Enski boltinn Thuram skaut Inter í toppbaráttuna Fótbolti Súrt tap í framlengdum leik hjá Tryggva Snæ og félögum Körfubolti Einkunnir stórleiksins á Hlíðarenda: Telma og vörn Blika bar af Íslenski boltinn „Agla María hélt liðsfund eftir þann leik og hvatti liðið áfram“ Íslenski boltinn Hrafnhildur Ása efnilegust og Telma hlaut gullhanskann Íslenski boltinn „Áfram Breiðablik, það er það eina sem ég veit núna“ Íslenski boltinn Fleiri fréttir Annað Schumacher-brúðkaup gæti verið í vændum Schumacher sást meðal fólks í fyrsta sinn í ellefu ár Hamilton opnar sig um þunglyndi og einelti: „Hafði engan til að tala við“ Ricciardo tapar sæti sínu hjá RB Þrír ákærðir fyrir að reyna að fjárkúga fjölskyldu Schumacher Mætti tárvotur í viðtal og óviss um framhaldið Refsing fyrir að blóta gæti flýtt fyrir því að Verstappen hætti Norris nálgast Verstappen eftir sigur í Singapúr Norris á ráspól í Singapúr Eðla rölti inn á brautina á æfingu Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Sjá meira
Michael Schumacher vann sjö heimsmeistaratitla á árunum 1994 til 2004 og það bjóst örugglega enginn við því að formúlan eignaðist annan eins yfirburðamann. Annað hefur komið á daginn og flest yfirburðatölfræðimet Schumachers eru nú annaðhvort fallin eða í mikilli hættu. Fréttablaðið skoðar í dag aðeins betur þetta magnaða metár Sebastians Vettel. Sebastian Vettel hefur þegar hreinsað upp helstu aldursmetin í formúlunni enda talsvert yngri en þegar Schumacher komst í flokk þeirra bestu en jafnframt því hafa yfirburðir þessa 26 ára Þjóðverja verið slíkir að fá met standa nú eftir óhögguð. Níu sigrar Sebastians Vettel í röð á 91 degi eftir að formúlan kom aftur úr sumarfríi í ágúst teljast nú örugglega hans stærsta afrek til þessa á mögnuðum ferli sem er þó bara rétt að byrja. Vettel missti hvorki einbeitingu né hungur við að tryggja sér fjórða heimsmeistaratitilinn í röð. Hann hélt áfram og varð sá fyrsti til að vinna níu keppnir í röð á einu tímabili. Vettel jafnaði einnig met Ítalans Alberto Ascari sem vann níu keppnir í röð á árunum 1952 og 1953 og komst upp að hlið Michaels Schumacher með því að vinna þrettánda kappaksturinn í röð á tímabilinu. Schumacher náði því árið 2004 en mót ársins voru þá einu færri en í ár.Michael Schumacher tjáði sig um afrek Sebastians Vettel í viðtali á vegum Mercedes-liðsins sem birtist á YouTube-vefnum. „Hann vann þrettán keppnir en liðsfélagi hans Mark Webber vann enga. Það er sjokkerandi. Ég er feginn að vera ekki liðsfélagi hans,“ sagði Michael Schumacher en Mark Webber hætti í formúlunni eftir tímabilið. Schumacher fagnar samt árangri landa síns. „Ef einhver getur bætt öll þessi met þá vil ég að það verði hann,“ bætti Schumacher við. Það kvarta örugglega margir yfir spennulausri formúlu enda gengur áætlun Sebastians Vettel oftast fullkomlega upp. Hann er á frábærum bíl og er oftast í fremstu röð í ræsingu. Það gefur honum jafnan færi á að komast í forystu í upphafi keppni og keyra síðan fremstur alla leið í mark. Hann er bara 26 ára gamall en heimsmeistaratitlarnir eru þegar orðnir fjórir. Á sama aldri var Schumacher nýbúinn að landa öðrum titli sínum en vann síðan ekki þann þriðja fyrr en fimm árum síðar. Þá tóku við mestu yfirburðir í sögu formúlu eitt þegar Michael Schumacher vann fimm heimsmeistaratitla í röð. Það er svo sem ekkert annað í spilunum en að Vettel jafni það met árið 2014. Aðdáendur formúlu eitt vilja að sjálfsögðu meiri keppni en hver getur ekki annað en dáðst að hinum léttlynda og hógværa Þjóðverja Sebastian Vettel sem verður eftir nokkur ár búinn að hrifsa krúnuna af Schumacher.Mynd/NordicPhotos/GettyMynd/AFPMynd/NordicPhotos/Getty
Formúla Mest lesið Óttast að Alisson sé frá næstu vikurnar Enski boltinn „Hann gerir einhvern veginn alla í kringum sig betri“ Körfubolti Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn Markaskorarinn Kovačić: „Engir auðveldir leikir í þessari deild“ Enski boltinn Thuram skaut Inter í toppbaráttuna Fótbolti Súrt tap í framlengdum leik hjá Tryggva Snæ og félögum Körfubolti Einkunnir stórleiksins á Hlíðarenda: Telma og vörn Blika bar af Íslenski boltinn „Agla María hélt liðsfund eftir þann leik og hvatti liðið áfram“ Íslenski boltinn Hrafnhildur Ása efnilegust og Telma hlaut gullhanskann Íslenski boltinn „Áfram Breiðablik, það er það eina sem ég veit núna“ Íslenski boltinn Fleiri fréttir Annað Schumacher-brúðkaup gæti verið í vændum Schumacher sást meðal fólks í fyrsta sinn í ellefu ár Hamilton opnar sig um þunglyndi og einelti: „Hafði engan til að tala við“ Ricciardo tapar sæti sínu hjá RB Þrír ákærðir fyrir að reyna að fjárkúga fjölskyldu Schumacher Mætti tárvotur í viðtal og óviss um framhaldið Refsing fyrir að blóta gæti flýtt fyrir því að Verstappen hætti Norris nálgast Verstappen eftir sigur í Singapúr Norris á ráspól í Singapúr Eðla rölti inn á brautina á æfingu Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Sjá meira
Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn
Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn