Efnahagslíf Kína kólnar

Nýjustu hagtölur frá Kína sýna að sá gríðarlegi vöxtur sem þar hefur verið í efnahagslífinu fer nú minnkandi. Tölurnar hafa komið nokkuð á óvart og eru lægri en spár gerði ráð fyrir. Vöxturinn nú hefur ekki verið minni frá því í Apríl árið 2009, en þá orsakaðist kólnunin mest af verkföllum verksmiðjufólks.

Neysla almennings í Kína er ekki heldur að vaxa jafn hratt og undanfarin ár. Hún jókst þó um 11,8% milli ára, þ.e. í janúar og febrúar, en búist hafði verið við 13,5% aukningu. Fjárfestingar uxu ekki heldur ekki eins hratt og búist hafði verið við og er vöxtur þeirra sá lægsti í 11 ár, samt 17,9% en spár sögðu til um 19,4% aukningu.

Efnahagslíf Kína hefur víðar áhrif en heimafyrir og hefur DAX-vísitalan í Þýskalandi fallið um 5% síðan 24. febrúar þar sem tveir af helstu útflutningsmörkuðum Þýskalands eru Kína og Rússland.