Fanney heimsmeistari unglinga með yfirburðum

Gróttukonan Fanney Hauksdóttir varð í dag heimsmeistari unglinga í bekkpressu.

Fanney vann yfirburðasigur en hún setti nýtt Íslandsmet með því að lyfta 135 kg í annarri tilraun. Tatiana Gabidulian frá Rússlandi varð önnur með 120 kg.

Fanney setti nýtt Íslandsmet í greininni í dag, bæði í -63 kg flokki og opnum flokki. Hún reyndi við nýtt heimsmet í þriðju tilraun, 145,5 kg, en náði ekki að klára tilraunina.

Tveir aðrir Íslendingar keppa á heimsmeistaramótinu sem fer fram í Danmörku. Það eru Viktor Ben Gestsson og Sigfús Fossdal.