Sport

Gunnar segir aldrei rassgat en samt elska hann allir

Henry Birgir Gunnarsson í Dublin skrifar
White á fundinum í gær.
White á fundinum í gær. vísir/friðrik þór
Æðsti prestur UFC-safnaðarins, Dana White, er mættur til Dublin og var viðstaddur vigtunina í gær. Í kjölfarið hélt hann líklega lengsta blaðamannafund allra tíma. Þrátt fyrir það var fundurinn þrælskemmtilegur.

"Þetta var algjörlega geðveikt. Þetta er flottasta vigtun sem ég hef tekið þátt í. Þetta er ótrúlegur staður. Þessir 9.000 áhorfendur munu hljóma eins og 90 þúsund á bardagakvöldinu," sagði White léttur í upphafi fundarins.

White hefur aldrei farið leynt með aðdáun sína á Gunnari okkar Nelson og hann fór fögrum orðum um okkar mann í gær.

"Gunnar er hrikalega spennandi strákur. Hann hefur mjög óeðlilegan stíl er hann stendur. Hann er ótrúlega vinsæll líka eins og heyra mátti. Ég meina gaurinn segir aldrei rassgat en samt elska hann allir. Þetta er mjög sérstakur strákur," sagði White og uppskar mikinn hlátur viðstaddra.

White var einnig spurður út í hvort það kæmi til greina að hafa aðalbardaga með Gunnari í Evrópu. Hann sagði það koma sterklega til greina.

Gunnar býst sjálfur við því að fá mjög sterkan andstæðing inn á topp tíu eða topp fimm á styrkleikalistanum ef hann klárar Zak Cummings í kvöld. White var spurður út í það og mátti ekki skilja White öðruvísi en að hann teldi Gunnar ekki vera tilbúin í þann slag strax. Ekki víst að allir séu sammála því.

Gunnar Nelson mætir Zak Cummings í Dublin í kvöld.  Þessi stórbardagi verður í beinni á Stöð 2 Sport og hefst útsending kl. 19:00.  Fáðu þér áskrift á www.365.is.

Frá þessum sérstaka en skemmtilega fundi.vísir/friðrik þór
MMA

Tengdar fréttir

Hugsa að þakið fari af húsinu

Gunnar Nelson er öruggur og yfirvegaður að venju fyrir bardaga kvöldsins í Dyflinni. Hann fær mikinn stuðning frá heimamönnum og Gunnar segir góðar líkur á því að bardaginn klárist í fyrstu lotu.

Gunnar gríðarlega vinsæll í Írlandi

Gunnar Nelson er gríðarlega vinsæll í Dublin þar sem bardagakvöld UFC fer fram á laugaradaginn. Búast má við að aðdáendurnir í Dublin verði á bandi Gunnars þegar hann berst gegn Zak Cummings.

UFC Dublin: Áætlað að 350 milljónir manns horfi á laugardaginn

Blaðamannafundur UFC fyrir bardagana hér í Dublin var að ljúka þar sem allt snérist um Conor McGregor. Írinn skemmtilegi mætir Diego Brandao í síðasta bardaga kvöldsins en Gunnar Nelson og Zak Cummings eru í næstsíðasta bardaga kvöldsins.

Sjáðu vigtun Gunnars | Myndband

Gunnar Nelson mætir Bandaríkjamanninum Zak Cummings á UFC-kvöldi í Dyflinni í beinni útsendingu á Stöð 2 Sport annað kvöld.

Gunnar: Má ekki vanvirða andstæðinginn

Gunnar Nelson var í viðtali hjá Valtýri Birni Valtýssyni í kvöldfréttum Stöðvar 2 þar sem hann ræddi bardagann á laugardaginn gegn Zak Cummings.

Er ekki smeykur en er alltaf á varðbergi

Faðir Gunnars, Haraldur Dean Nelson er ekki hræddur um strákinn sinn í hringnum en þó á varðbergi. Þá fagnar hann því að fordómar gagnvart íþróttinni fari minnkandi.

Conor McGregor: Ég ætla að enda ferilinn hans

Írski bardagamaðurinn Conor McGregor er í aðalbardaganum á UFC bardagakvöldinu í Dublin nú á laugardaginn. McGregor æfði hér á landi í fjórar vikur fyrir bardagann og hefur lengi æft með Gunnari Nelson.

Flugeldasýning milli Pickett og McCall áður en Gunnar berst

Annað kvöld snýr Gunnar Nelson aftur í búrið þegar hann mætir Bandaríkjamanninum Zak Cummings. Bardaginn er einn af fjórum bardögum á aðal hluta bardagakvöldsins sem sýndur verður á Stöð 2 Sport. Fyrstu tveir bardagar kvöldsins verða hörku spennandi viðureignir í léttvigt og fluguvigt.

Upphitun fyrir bardaga Gunnars og Cummings | Myndband

Eftir viku mætast þeir Gunnar Nelson og Bandaríkjamaðurinn Zak Cummings á UFC bardagakvöldi í O2 Arena í Dublin. Bardaginn verður sýndur beint á Stöð 2 Sport og hefst útsendingin kl. 19:00.

UFC Dublin: Myndir úr vigtuninni

Eins og fram hefur komið náðu Gunnar Nelson og Zak Cummings tilsettri þyngd fyrir bardagann annað kvöld. Báðir vigtuðu þeir sig inn í kringum 77 kg fyrr í dag en myndir úr vigtuninni má sjá hér.

Bakvið tjöldin fyrir síðasta bardaga Gunnars

Gunnar Nelson berst sinn fjórða UFC bardaga á laugardaginn þegar hann mætir Bandaríkjamanninum Zak Cummings. Vísir mun fylgja Gunnari vel eftir í aðdraganda bardagans líkt og síðast.

Gunnar með sérhannaðan góm á laugardaginn

Jón Viðar Arnþórsson, formaður Mjölnis, birti í dag mynd af gómnum sem Gunnar Nelson mun nota í bardagnum á laugardaginn en gómurinn er sérhannaður fyrir Gunnar.

Gunnar: Yrði gaman að keppa í Las Vegas

Bardagakappinn var í viðtali í kvöldfréttum Stöðvar 2 þar sem hann útilokaði ekki að næsti bardagi hans færi fram í sjálfri borg syndanna, Las Vegas í Bandaríkjunum.

Mest lesið


Fleiri fréttir

Sjá meira


×

Mest lesið