Siglingar milli Reykjavíkur og Akraness gætu hafist á ný Stefán Árni Pálsson skrifar 23. janúar 2015 14:16 Viljayfirlýsingin var undirrituð á Ægisgarði í gömlu höfninni í morgun en með henni skuldbindur bæjarfélögin m.a. í að fara í ítarlega markaðsrannsókn til að kanna tekjuhlið slíkra siglinga. mynd/aðsend Dagur B. Eggertsson borgarstjóri og Regína Ásvaldsdóttir bæjarstjóri á Akranesi undirrituðu viljayfirlýsingu í morgun um það að bæjarfélögin hefji sameiginlega skoðun á því hvort flóasiglingar á milli Akraneskaupstaðar og Reykjavíkur geti verið góður valkostur í almenningssamgöngum. Þetta kemur fram í tilkynningu frá Reykjavíkurborg. Viljayfirlýsingin var undirrituð á Ægisgarði í gömlu höfninni í morgun en með henni skuldbindur bæjarfélögin m.a. í að fara í ítarlega markaðsrannsókn til að kanna tekjuhlið slíkra siglinga. Akraborgin var síðasti flóabáturinn sem sigldi á milli bæjarfélaganna við miklar vinsældir. Skipið flutti bíla á milli áfangastaða en hætti að ganga með tilkomu Hvalfjarðarganganna árið 1998. Hugmyndin nú er ekki að hefja flutninga á bílum á ný sjóleiðina heldur yrði bátur í ferðum á milli staðanna sem flytti fólk, eins konar bátastrætó, sem einnig gæti verið í ferðum á milli Viðeyjar og jafnvel Gufuness. Horft yrði til þess að einungis tæki 30 mínútur að sigla á milli Reykjavíkur og Akraness.Áhugaverður kostur „Með svona ferju gæti verið kominn áhugaverður valkostur í almenningssamgöngum sem myndi draga úr umferð. Fólk gæti ferðast hratt á milli, jafnvel með hjólin sín og sinnt sínum erindum. Þá býður þetta upp á alls konar möguleika fyrir ferðamenn. Það þarf að skoða þennan valkost almennilega og það ætlum við að gera,“ segir Dagur B. Eggertsson borgarstjóri. Faxaflóahafnir hafa þegar látið vinna frumskýrslu um málið en hana vann Bergþóra Bergsdóttir og var hún kynnt í borgarráði sl. fimmtudag. Í skýrslunni er gert ráð fyrir að slík ferja myndi þjóna tvenns konar tilgangi. Annars vegar að bjóða upp á fastar áætlunarferðir á milli Reykjavíkur og Akraness en hins vegar valkost fyrir erlenda ferðamenn. Í skýrslunni segir m.a. „Hugmyndin sem hér verður fjallað um snýst um að hraðskreiður bátur, sem tekur um 65 manns, verði notaður í siglingar milli Akraness og Gömlu hafnarinnar í Reykjavík. Þjónustan væri viðbót við núverandi samgönguleiðir. Sigling á hraðskreiðum bát tekur styttri tíma en keyrsla landleiðina, eða einungis um 30 mínútur með þeim bát sem notaður er til viðmiðunar. Slíkt gerir farþegum kleift að komast á milli Akraness og miðborgar Reykjavíkur á skemmri tíma en tekur að aka á milli staðanna. Gert er ráð fyrir því að reksturinn verði ekki sjálfstæður heldur sé hluti af starfsemi annars fyrirtækis.“Sakna gömlu Akraborgarinnar Regína Ásvaldsdóttir bæjarstjóri Akraneskaupstaðar segir að margir bæjarbúar sakni gömlu Akraborgarinnar. ,,Ég er viss um að margir myndu nýta sér slíka ferju og þetta myndi klárlega nýtast okkur við eflingu ferðaþjónustunnar á Akranesi.“ Strætó býður upp á tólf ferðir á milli Akraness og Reykjavíkur alla virka daga og tekur ferðin að meðaltali 53 mínútur frá Mjódd að bæjarskrifstofum á Akranesi samkvæmt skýrslunni. Meðalferðatími frá Mjódd niður í miðborg er 22 mínútur. Meðalferðatími ferju sem myndi ganga á milli staðanna er hins vegar um hálftími. Ef notaður er einkabíll kostar hver ekinn kílómetri um 80 krónur. Svo segir í skýrslunni: „Ef miðað er við að ferðalagið á milli Akraness og Reykjavíkur sé um 49 km aðra leið má áætla að kostnaðurinn við það sé um 3.916 kr. Hins vegar þarf að bæta við 1.000 kr. til þess að komast í gegnum Hvalfjarðargöngin (ef gert er ráð fyrir stöku fari en ekki afsláttarkjörum). Langflestir sem ferðast á milli eru þó með afsláttarlykil og er gjaldið í Hvalfjarðargöngin þá minnst 283 kr. Ferðalagið tekur um 45 mínútur líkt og hjá leigubílum. Miðað við einn og hálfan farþega að meðaltali í hverjum bíl og meðalgjald hvers bíls í göngin (um 580 kr.) er kostnaður hvers einstaklings við að ferðast á einkabíl á milli um 2.997 kr. Ferðamennska á Íslandi Mest lesið Lykillinn að kraftaverki að Birgir var frá Íslandi Erlent Vissu af auknum töfum en óraði ekki fyrir viðbrögðunum Innlent Fossvogsbrúin sé álíka gáfuleg og að setja göngustíg í Reynisfjöru Innlent Magga Stína á leið til Gasa með Frelsisflotanum Innlent Ísland land númer 197 Innlent Fleiri en tuttugu látnir eftir jarðskjálfta á Filippseyjum Erlent Ríkisreksturinn í Bandaríkjunum í limbó Erlent Þurftu að finna lausn á uppskáldaðri hryðjuverkaárás á Íslandi Innlent Læknir í Kópavogi blekkti fjölskyldu sína með lygasögu um krabbamein Innlent Sendiherra fannst látinn í miðborg Parísar Erlent Fleiri fréttir Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjá meira
Dagur B. Eggertsson borgarstjóri og Regína Ásvaldsdóttir bæjarstjóri á Akranesi undirrituðu viljayfirlýsingu í morgun um það að bæjarfélögin hefji sameiginlega skoðun á því hvort flóasiglingar á milli Akraneskaupstaðar og Reykjavíkur geti verið góður valkostur í almenningssamgöngum. Þetta kemur fram í tilkynningu frá Reykjavíkurborg. Viljayfirlýsingin var undirrituð á Ægisgarði í gömlu höfninni í morgun en með henni skuldbindur bæjarfélögin m.a. í að fara í ítarlega markaðsrannsókn til að kanna tekjuhlið slíkra siglinga. Akraborgin var síðasti flóabáturinn sem sigldi á milli bæjarfélaganna við miklar vinsældir. Skipið flutti bíla á milli áfangastaða en hætti að ganga með tilkomu Hvalfjarðarganganna árið 1998. Hugmyndin nú er ekki að hefja flutninga á bílum á ný sjóleiðina heldur yrði bátur í ferðum á milli staðanna sem flytti fólk, eins konar bátastrætó, sem einnig gæti verið í ferðum á milli Viðeyjar og jafnvel Gufuness. Horft yrði til þess að einungis tæki 30 mínútur að sigla á milli Reykjavíkur og Akraness.Áhugaverður kostur „Með svona ferju gæti verið kominn áhugaverður valkostur í almenningssamgöngum sem myndi draga úr umferð. Fólk gæti ferðast hratt á milli, jafnvel með hjólin sín og sinnt sínum erindum. Þá býður þetta upp á alls konar möguleika fyrir ferðamenn. Það þarf að skoða þennan valkost almennilega og það ætlum við að gera,“ segir Dagur B. Eggertsson borgarstjóri. Faxaflóahafnir hafa þegar látið vinna frumskýrslu um málið en hana vann Bergþóra Bergsdóttir og var hún kynnt í borgarráði sl. fimmtudag. Í skýrslunni er gert ráð fyrir að slík ferja myndi þjóna tvenns konar tilgangi. Annars vegar að bjóða upp á fastar áætlunarferðir á milli Reykjavíkur og Akraness en hins vegar valkost fyrir erlenda ferðamenn. Í skýrslunni segir m.a. „Hugmyndin sem hér verður fjallað um snýst um að hraðskreiður bátur, sem tekur um 65 manns, verði notaður í siglingar milli Akraness og Gömlu hafnarinnar í Reykjavík. Þjónustan væri viðbót við núverandi samgönguleiðir. Sigling á hraðskreiðum bát tekur styttri tíma en keyrsla landleiðina, eða einungis um 30 mínútur með þeim bát sem notaður er til viðmiðunar. Slíkt gerir farþegum kleift að komast á milli Akraness og miðborgar Reykjavíkur á skemmri tíma en tekur að aka á milli staðanna. Gert er ráð fyrir því að reksturinn verði ekki sjálfstæður heldur sé hluti af starfsemi annars fyrirtækis.“Sakna gömlu Akraborgarinnar Regína Ásvaldsdóttir bæjarstjóri Akraneskaupstaðar segir að margir bæjarbúar sakni gömlu Akraborgarinnar. ,,Ég er viss um að margir myndu nýta sér slíka ferju og þetta myndi klárlega nýtast okkur við eflingu ferðaþjónustunnar á Akranesi.“ Strætó býður upp á tólf ferðir á milli Akraness og Reykjavíkur alla virka daga og tekur ferðin að meðaltali 53 mínútur frá Mjódd að bæjarskrifstofum á Akranesi samkvæmt skýrslunni. Meðalferðatími frá Mjódd niður í miðborg er 22 mínútur. Meðalferðatími ferju sem myndi ganga á milli staðanna er hins vegar um hálftími. Ef notaður er einkabíll kostar hver ekinn kílómetri um 80 krónur. Svo segir í skýrslunni: „Ef miðað er við að ferðalagið á milli Akraness og Reykjavíkur sé um 49 km aðra leið má áætla að kostnaðurinn við það sé um 3.916 kr. Hins vegar þarf að bæta við 1.000 kr. til þess að komast í gegnum Hvalfjarðargöngin (ef gert er ráð fyrir stöku fari en ekki afsláttarkjörum). Langflestir sem ferðast á milli eru þó með afsláttarlykil og er gjaldið í Hvalfjarðargöngin þá minnst 283 kr. Ferðalagið tekur um 45 mínútur líkt og hjá leigubílum. Miðað við einn og hálfan farþega að meðaltali í hverjum bíl og meðalgjald hvers bíls í göngin (um 580 kr.) er kostnaður hvers einstaklings við að ferðast á einkabíl á milli um 2.997 kr.
Ferðamennska á Íslandi Mest lesið Lykillinn að kraftaverki að Birgir var frá Íslandi Erlent Vissu af auknum töfum en óraði ekki fyrir viðbrögðunum Innlent Fossvogsbrúin sé álíka gáfuleg og að setja göngustíg í Reynisfjöru Innlent Magga Stína á leið til Gasa með Frelsisflotanum Innlent Ísland land númer 197 Innlent Fleiri en tuttugu látnir eftir jarðskjálfta á Filippseyjum Erlent Ríkisreksturinn í Bandaríkjunum í limbó Erlent Þurftu að finna lausn á uppskáldaðri hryðjuverkaárás á Íslandi Innlent Læknir í Kópavogi blekkti fjölskyldu sína með lygasögu um krabbamein Innlent Sendiherra fannst látinn í miðborg Parísar Erlent Fleiri fréttir Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjá meira