Voræfingarnar í MLB-deildinni í hafnabolta hefjast í dag, en tímabilið sjálft hefst 1. mars.
Einn frægasti og best launaði hafnaboltakappinn í Bandaríkjunum, Alex Rodriguez, leikmaður New York Yankees, snýr aftur á komandi tímabili eftir að vera í banni alla síðustu leiktíð.
Hann fékk lengsta bann í sögu MLB-deildarinnar fyrir steranotkun og þátttöku sína Biogenesis-skandalnum sem stuðlaði að steranotkun fleiri íþróttamanna.
Til að lægja öldurnar áður en tímabilið hefst hefur A-Rod, eins og hann er kallaður, sent frá sér handskrifað afsökunarbréf til aðdáenda sinna og hafnaboltans.
Rodriguez er nú kominn í heilan hring í þessu máli eftir að hafa staðfastlega neitað því að taka þátt í samsærinu og hafna því alfarið að hafa nokkurn tíma notað stera.
„Ég tek fulla ábyrgð á mistökunum sem leiddu til leikbanns míns árið 2014. Ég sé eftir þeim ákvörðunum sem gerðu hlutina verri en þeir þurftu að vera. MLB-deildina, Yankees, Steinbrenner-fjölskylduna, leikmannasamtökin og ykkur, stuðningsmennina, bið ég afsökunar,“ segir Alex Rodriguez í afsökunarbréfinu.
Hérna má lesa allt bréfið.
Biðst afsökunar á steranotkun með handskrifuðu afsökunarbréfi
