Nýjungarnar sem Apple kynnti í dag Bjarki Ármannsson skrifar 9. mars 2015 19:49 Tim Cook talar um Apple Watch á kynningunni í dag. Vísir/AFP Nýtt snjallúr og ný útgáfa fartölvunnar MacBook voru kynnt til sögunnar á stórum kynningarfundi Apple í San Francisco síðdegis í dag. Fyrirtækið greindi einnig frá samstarfi við bandarísku sjónvarpsstöðina HBO. Vísir fer stuttlega yfir nýjungarnar hjá þessu stærsta fyrirtæki heims.Símtöl með snjallúrinu Kynning snjallúrsins Apple Watch var í forgrunni í dag og gekk Tim Cook, forstjóri Apple, svo langt að kalla gripinn „háþróaðasta tímamæli sögunnar.“ Farið var yfir notendaviðmót úrsins og helstu eiginleika. Úrið verður selt í þremur útgáfum. Ódýrustu úrin kosta til að byrja með um 350 bandaríkjadali, hátt í fimmtíu þúsund íslenskar krónur, en hið allra dýrasta, Apple Watch Edition með umgjörð úr átján karata gulli, fer á rúmlega eina milljón króna. Athugið að þetta verð á við Bandaríkjamarkað. Apple Watch verður móttækilegt fyrir hinum ýmsu smáforritum („öppum“), meðal annars sérsökum útgáfum af Instagram, Uber og Shazam. Jafnframt geta eigendur iPhone látið áframsenda allar tilkynningar sem birtast í símanum, til að mynda frá Facebook eða tölvupóstfangi, til úrsins. Notendur munu þurfa sérstakt Apple Watch smáforrit til þess að halda utan um öll hin. Þá verður hægt að „tala við“ úrið og nota það til að hringja símtöl. Hljóðnemi og hátalari eru innbyggð í úrið og gera notendum kleift að spjalla handfrjálst við aðra. Hjálparforritið Siri verður svo á sínum stað. Með því að ýta á takka á úrinu er hægt að virkja Siri og gefa henni skipanir.Einnig var fjallað um rafhlöðu úrsins, en hún á að geta enst í um átján klukkustundir í senn. Apple Watch ratar á markað í Bandaríkjunum þann 24. apríl næstkomandi.Allt sjónvarpsefni HBO í boði fyrir notendur Apple Á fundinum var einnig greint frá því að í næsta mánuði verður boðið upp á sérstaka þjónustu fyrir notendur Apple TV, iPhone og iPad spjaldtölva sem kallast HBO Now. Þjónustan kallar ekki á nokkurs konar kapaltengingu, einungis internettengingu. Með HBO Now verður hægt að horfa á allt sjónvarpsefni sem HBO hefur framleitt - Game of Thrones, The Sopranos og True Detective svo eitthvað sé nefnt – fyrir um tvö þúsund íslenskar krónur á mánuði. Fyrsta mánuðinn verður þjónustan ókeypis. Ekki er víst að svo stöddu hvort íslenskir Apple-notendur muni geta nýtt sér HBO Now. Þá var ný útgáfa fartölvunnar MacBook kynnt til sögunnar. Hún er sú allra léttasta og þynnsta sem fyrirtækið hefur framleitt (innan við eitt kíló að þyngd) og þótti mörgum þó forverar hennar mega vera stærri. Nýja tölvan verður ekki með innbyggða viftu, ólíkt öðrum MacBook tölvum, og á þannig að virka gjörsamlega hljóðlaust. Hún mun kosta um 180 þúsund íslenskar krónur á bandarískum markaði.#AppleWatchEvent Tweets Game of Thrones Tækni Mest lesið Hagnaður minnkar um 38 prósent og arðgreiðsla óákveðin Viðskipti innlent Gengi Novo Nordisk steypist niður Viðskipti erlent Erfitt að vera mikið einn í vinnu og án mikilla samskipta Atvinnulíf Á ég að greiða inn á lánið eða spara? Viðskipti innlent Sigurður viðskiptastjóri innviðalausna hjá Ofar Viðskipti innlent Loksins, mathöllin og fleiri staðir fá nýja rekstraraðila Viðskipti innlent „Við erum að bæta við atvinnustoð í samfélaginu“ Viðskipti innlent Samkomulagið það besta mögulega í erfiðum aðstæðum Viðskipti erlent Mjög mikilvægt að eiga besta vin í vinnunni Atvinnulíf Funda með ráðherra vegna tollanna: „Ég ætla ekki að setjast í neitt dómarasæti“ Viðskipti innlent Fleiri fréttir Gengi Novo Nordisk steypist niður Samkomulagið það besta mögulega í erfiðum aðstæðum Stærsti olíufundur Evrópu í áratug í Póllandi Hampiðjan kaupir ástralskan kaðlaframleiðanda Japanskir bílaframleiðendur í skýjunum eftir tollasamkomulag Hagnaðurinn af Labubu sagður hafa aukist um 350 prósent Hótar þrjátíu prósenta tolli á ESB Hótar Kanadamönnum hærri tollgjöldum Forstjóri X hættir óvænt Kynna nýtt kerfi gegn „gervigreindarsópum“ SAS í sókn og kaupir 55 brasilískar vélar Forstjóri Flügger ákærður fyrir brot á viðskiptaþvingunum „Alltaf leiðindamál að lenda í svona“ Loka fyrir færslur á Workplace í haust Trump segir sjaldgæfa málma og segla aftur á leið til Bandaríkjanna Viðvörunarbjöllur glymja vegna Kína og sjaldgæfra málma Tollar á ál og stál hækka Sjá meira
Nýtt snjallúr og ný útgáfa fartölvunnar MacBook voru kynnt til sögunnar á stórum kynningarfundi Apple í San Francisco síðdegis í dag. Fyrirtækið greindi einnig frá samstarfi við bandarísku sjónvarpsstöðina HBO. Vísir fer stuttlega yfir nýjungarnar hjá þessu stærsta fyrirtæki heims.Símtöl með snjallúrinu Kynning snjallúrsins Apple Watch var í forgrunni í dag og gekk Tim Cook, forstjóri Apple, svo langt að kalla gripinn „háþróaðasta tímamæli sögunnar.“ Farið var yfir notendaviðmót úrsins og helstu eiginleika. Úrið verður selt í þremur útgáfum. Ódýrustu úrin kosta til að byrja með um 350 bandaríkjadali, hátt í fimmtíu þúsund íslenskar krónur, en hið allra dýrasta, Apple Watch Edition með umgjörð úr átján karata gulli, fer á rúmlega eina milljón króna. Athugið að þetta verð á við Bandaríkjamarkað. Apple Watch verður móttækilegt fyrir hinum ýmsu smáforritum („öppum“), meðal annars sérsökum útgáfum af Instagram, Uber og Shazam. Jafnframt geta eigendur iPhone látið áframsenda allar tilkynningar sem birtast í símanum, til að mynda frá Facebook eða tölvupóstfangi, til úrsins. Notendur munu þurfa sérstakt Apple Watch smáforrit til þess að halda utan um öll hin. Þá verður hægt að „tala við“ úrið og nota það til að hringja símtöl. Hljóðnemi og hátalari eru innbyggð í úrið og gera notendum kleift að spjalla handfrjálst við aðra. Hjálparforritið Siri verður svo á sínum stað. Með því að ýta á takka á úrinu er hægt að virkja Siri og gefa henni skipanir.Einnig var fjallað um rafhlöðu úrsins, en hún á að geta enst í um átján klukkustundir í senn. Apple Watch ratar á markað í Bandaríkjunum þann 24. apríl næstkomandi.Allt sjónvarpsefni HBO í boði fyrir notendur Apple Á fundinum var einnig greint frá því að í næsta mánuði verður boðið upp á sérstaka þjónustu fyrir notendur Apple TV, iPhone og iPad spjaldtölva sem kallast HBO Now. Þjónustan kallar ekki á nokkurs konar kapaltengingu, einungis internettengingu. Með HBO Now verður hægt að horfa á allt sjónvarpsefni sem HBO hefur framleitt - Game of Thrones, The Sopranos og True Detective svo eitthvað sé nefnt – fyrir um tvö þúsund íslenskar krónur á mánuði. Fyrsta mánuðinn verður þjónustan ókeypis. Ekki er víst að svo stöddu hvort íslenskir Apple-notendur muni geta nýtt sér HBO Now. Þá var ný útgáfa fartölvunnar MacBook kynnt til sögunnar. Hún er sú allra léttasta og þynnsta sem fyrirtækið hefur framleitt (innan við eitt kíló að þyngd) og þótti mörgum þó forverar hennar mega vera stærri. Nýja tölvan verður ekki með innbyggða viftu, ólíkt öðrum MacBook tölvum, og á þannig að virka gjörsamlega hljóðlaust. Hún mun kosta um 180 þúsund íslenskar krónur á bandarískum markaði.#AppleWatchEvent Tweets
Game of Thrones Tækni Mest lesið Hagnaður minnkar um 38 prósent og arðgreiðsla óákveðin Viðskipti innlent Gengi Novo Nordisk steypist niður Viðskipti erlent Erfitt að vera mikið einn í vinnu og án mikilla samskipta Atvinnulíf Á ég að greiða inn á lánið eða spara? Viðskipti innlent Sigurður viðskiptastjóri innviðalausna hjá Ofar Viðskipti innlent Loksins, mathöllin og fleiri staðir fá nýja rekstraraðila Viðskipti innlent „Við erum að bæta við atvinnustoð í samfélaginu“ Viðskipti innlent Samkomulagið það besta mögulega í erfiðum aðstæðum Viðskipti erlent Mjög mikilvægt að eiga besta vin í vinnunni Atvinnulíf Funda með ráðherra vegna tollanna: „Ég ætla ekki að setjast í neitt dómarasæti“ Viðskipti innlent Fleiri fréttir Gengi Novo Nordisk steypist niður Samkomulagið það besta mögulega í erfiðum aðstæðum Stærsti olíufundur Evrópu í áratug í Póllandi Hampiðjan kaupir ástralskan kaðlaframleiðanda Japanskir bílaframleiðendur í skýjunum eftir tollasamkomulag Hagnaðurinn af Labubu sagður hafa aukist um 350 prósent Hótar þrjátíu prósenta tolli á ESB Hótar Kanadamönnum hærri tollgjöldum Forstjóri X hættir óvænt Kynna nýtt kerfi gegn „gervigreindarsópum“ SAS í sókn og kaupir 55 brasilískar vélar Forstjóri Flügger ákærður fyrir brot á viðskiptaþvingunum „Alltaf leiðindamál að lenda í svona“ Loka fyrir færslur á Workplace í haust Trump segir sjaldgæfa málma og segla aftur á leið til Bandaríkjanna Viðvörunarbjöllur glymja vegna Kína og sjaldgæfra málma Tollar á ál og stál hækka Sjá meira