Jógúrtís með mangó og mintu

Ég nýt þess að fá mér góða deserta og slæ aldrei hendinni á móti einum slíkum. Þegar ég vil eitthvað létt og frískandi í desert þá er þessi jógúrtís fullkominn.

Jógúrtís með mangó og mintu 

250 g frosið mangó

1 msk. Fljótandi hunang

Rifinn börkur og safi  af ½ límónu

Nokkur mintulauf, 6 - 7 

150 g grískt jógúrt

Dökkt súkkulaði, til skrauts

Aðferð:

Maukið mangóið í matvinnsluvél, bætið jógúrti, mintu, límónubörk og hunangi þar til réttri áferð er náð. Setjið í form og inn í frysti í lágmark klukkustund. Berið fram með dökku súkkulaði og ferskum berjum.