Alexander ekki með gegn Ísrael og Svartfjallalandi

Aron Kristjánsson hefur valið íslenska landsliðshópinn sem mætir Ísrael og Svartfjallalandi í síðustu leikjum sínum í undankeppni EM 2016.

Alexander Petersson gat ekki gefið kost á sér í leikina vegna meiðsla eftir því sem kemur fram í tilkynningu frá HSÍ.

Aron valdi sautján leikmenn í liðið. Rúnar Kárason er valinn aftur í liðið en Sigurbergur Sveinsson er utan hóps að þessu sinni.

Þá er Sverre Jakobsson ekki í hópnum og má leiða líkur að því að hann hafi því leikið sinn síðasta landsleik. Tandri Már Konráðsson er valinn í liðið og gæti hann fyllt í skarð Sverre.

Ísland er með fimm stig í riðlinum ásamt Serbíu en Svartfjallaland er í efsta sæti með sex stig. Ísrael er neðst án stiga en tvö efstu liðin fara áfram í lokakeppnina.

Markmenn:

Aron Rafn Eðvarðsson, Eskilstuna Guif

Björgvin Páll Gústavsson, Die Bergische Handball Club

Aðrir leikmenn:

Arnór Atlason, St. Raphael

Arnór Þór Gunnarsson, Die Bergische Handball Club

Aron Pálmarson, THW Kiel

Ásgeir Örn Hallgrímsson, Nimes

Bjarki Már Gunnarsson, Aue

Guðjón Valur Sigurðsson, Barcelona

Guðmundur Árni Ólafsson, Mors Thy Handball

Kári Kristján Kristjánsson, Valur

Ólafur Andrés Guðmundsson, TSV Hannover Burgdorf

Róbert Gunnarsson, Paris Handball

Rúnar Kárason, TSV Hannover-Burgdorf

Snorri Steinn Guðjónsson, Selestat Alsace HB

Stefán Rafn Sigurmannsson, Rhein-Neckar Löwen

Tandri Konráðsson, Ricoh HK

Vignir Svavarsson, HC Midtjylland ApS