Lögregla kölluð út vegna skothvella í Kópavogi Birgir Olgeirsson og Samúel Karl Ólason skrifa 2. júní 2015 16:18 Uppfært klukkan 22:15Maðurinn, sem lögreglan sat um við íbúð í Hlíðarhjalla í Kópavogi í dag, hefur ekkert verið heima hjá sér að undanförnu. Þetta segir Gunnar Rúnar Sveinbjörnsson kynningarfulltrúi lögreglunnar í samtali við fréttastofu. Að sögn Gunnars náði lögreglan tali af manninum fyrr í dag en vildi ekki veita nánari upplýsingar um hvort maðurinn gangi enn laus eða hvar hann sé niðurkominn. Ásgeir Þór Ásgeirsson, stöðvarstjóri í Kópavogi, sagði þó við fréttastofu fyrr í kvöld að íbúar þyrftu ekki að hafa áhyggjur og hefur þeim verið heimilað að snúa aftur til síns heima. Gunnar segir að rannsókn lögreglunnar, í ljósi þess að maðurinn hefur ekki verið heima hjá sér að undanförnu, snúist nú að mestu um að leita skýringa á þeim hvellum sem tilkynningar bárust um á fjórða tímanum í dag. Uppfært klukkan 21:25Íbúðin, sem lögreglan hafði setið í um 6 klukkustundir, reyndist mannlaus. Þetta kemur fram í tilkynningu sem lögreglan sendi frá sér nú rétt í þessu. Þar segir einnig að ekki er vitað hvort að um raunverulega skothvelli hafi verið að ræða. Lögreglan fór á sama vettvang í gær en þá fundust ummerki um að hleypt hafi verið úr haglabyssu á grindverk utan við húsið. Þá hafi lögreglan farið inn í íbúðina á níunda tímanum í kvöld og handlagt skotvopn og skotfæri. Lögreglan ítrekar mikilvægi þess að slíkar tilkynningar séu teknar alvarlega og farið sé með gát þegar grunur leikur á að um skothvelli sé að ræða í íbúabyggð. Uppfært klukkan 21:15Aðgerðum lögreglunnar við Hlíðarhjalla í Kópavogi er að ljúka. Búið er að kalla til baka sjúkrabíla sem höfðu verið á vettvangi en samkvæmt upplýsingum frá lögreglu var enginn í þeim utan sjúkraflutningamannanna. Lögregluaðgerðir höfðu staðið yfir við blokkina frá því á fjórða tímanum í dag. Uppfært klukkan 19:40Tveimur ungum konum og einu barni var hleypt út úr blokkinni við Hlíðarhjalla 53 um klukkan 19:40. Talið er að maður vopnaður haglabyssu haldi til í íbúð sinni. Aðrir íbúar hafa haldið til í blokkinni í dag á meðan á aðgerðum stóð en nú er talið að maðurinn sé einn í fjölbýlishúsinu. Sérsveitarmenn voru kallaðir út að fjölbýlishúsinu á fjórða tímanum vegna nokkurra ábendinga um skothvelli. Maðurinn er sagður hafa hleypt af byssunni af svölum íbúðar sinnar. Nærliggjandi svæðum við skólann var lokað og skólum í nágrenni gert viðvart. Síðustu nemendur í Álfhólsskóla Hjalla, sem stendur rétt við blokkina, voru farnir heim og aðeins starfsmenn á vettvangi. Var skólanum læst. Enn voru nemendur í Álfhólsskóla Digranesi sem er í nokkuð meiri fjarlægð frá blokkinni en þar var börnum haldið innandyra þar til foreldrar mættu á svæðið að sögn Sigrúnar Bjarnadóttur skólastjóra. Brýnir lögregla fyrir fólki að virða lokanir.Sjá einnig:„Hver veit hefði hann verið í aðeins verra skapi“ Lögreglan hefur reynt að ná sambandi við manninn í lengri tíma en án árangurs. Sérsveitarmenn sáust fara inn í blokkina með skjöld um klukkan 16:40. Talið er að samningamaður hafi verið með þeim í för. vinnur nú að því að ná sambandi við manninn en sjónarvottar sáu sérsveitarmenn fara inn í blokkina með skjöld um klukkan 16:40. Talið er að samningamaður lögreglunnar hafi verið með þeim. Þá hefur leyniskytta komið sér fyrir við húsið eins og sjá má á myndum sem fylgja þessari frétt af vettvangi.Sjá einnig:Skotið á bíl úr haglabyssu á sama stað í apríl Ásgeir Þór Ásgeirsson, stöðvarstjóri Lögreglunnar á höfuðborgarsvæðinu í Kópavogi og Breiðholti, sagði við fréttastofu síðdegis að lögregla hefði tekið þá ákvörðun í kjölfar ábendinga nágranna að loka ákveðnu svæði í kringum fjölbýlishúsið. „Sérsveitin var kölluð á vettvang og þeir eru búnir að einangra þessa íbúð sem við teljum að þetta ástand gæti verið í. Það er unnið að lausn málsins og sérsveitin fer með stjórn vettvangs.“Um er að ræða fjölbýlishús í grennd við Hjallakirkju.Vísir/VilhelmHafa ekki fengið svör Þegar rætt var við Ásgeir skömmu fyrir klukkan sex sagði hann engin svör hafa borist úr íbúðinni. „Við munum halda þessu umsátri áfram þangað til að annað kemur í ljós.“ Ásgeir sagði að lögreglan hefði verið í sambandi við alla íbúa í húsinu. Þeir væru í lagi. „Þau eru alveg örugg þar sem þau eru núna. Við teljum okkur vera með fulla stjórn á aðstæðum.“ Ásgeir vildi ekki segja til um hve margir væru eftir í húsinu né hve margir lögreglumenn væru að störfum. Tvær ungar konur og barn yfirgáfu húsið í fylgd lögreglu um klukkan 19:40. Talið er að síðan sé byssumaðurinn einn íbúa eftir í húsinu. Margir íbúar á svæðinu hafa fylgstmeð störfum lögreglu í dag. Þá er slökkvilið með sjúkraflutningamenn á staðnum. Íbúi í húsinu sem setti sig í samband við fréttastofu segir að haglaskot fundist í hafi fundist í girðingu í garðinum. Útlit hafi verið fyrir um að þeim hafi verið skotið úr íbúð mannsins.Frétt síðast uppfærð klukkan 19:45. Hún verður uppfærð eftir því sem frekari upplýsingar berast.Veistu meira um málið? Sendu okkur línu á ritstjorn@visir.is.Frá vettvangi.Vísir/VilliLeyniskytta lögreglunnar.Vísir/VIlhelmFrá vettvangiVísir/VilhelmLögreglumenn að störfum í húsinu. Mest lesið Tveir reyndust í skotti bíls Innlent „Ef hann hefði verið einn þá hefði þetta getað farið miklu verr“ Innlent Býst við þremur áminningum til og hjólar í lögmannanefnd Innlent Segir valsað um sjúkraskrána eins og á rölti um Kringluna Innlent Fannst hann þvingaður til að afsala sér hundinum Innlent Starfsfólk Ítalíu vill bíl Eflingar burt Innlent Vill hætta við nýja brú yfir Ölfusá og spara milljarða króna Innlent 21 árs konu bjargað á Gasa tíu árum eftir að henni var rænt Erlent Lögmaður eiginkonunnar fyrrverandi segir lögreglu ljúga Innlent Harður þriggja bíla árekstur á Suðurlandsvegi Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Uppfært klukkan 22:15Maðurinn, sem lögreglan sat um við íbúð í Hlíðarhjalla í Kópavogi í dag, hefur ekkert verið heima hjá sér að undanförnu. Þetta segir Gunnar Rúnar Sveinbjörnsson kynningarfulltrúi lögreglunnar í samtali við fréttastofu. Að sögn Gunnars náði lögreglan tali af manninum fyrr í dag en vildi ekki veita nánari upplýsingar um hvort maðurinn gangi enn laus eða hvar hann sé niðurkominn. Ásgeir Þór Ásgeirsson, stöðvarstjóri í Kópavogi, sagði þó við fréttastofu fyrr í kvöld að íbúar þyrftu ekki að hafa áhyggjur og hefur þeim verið heimilað að snúa aftur til síns heima. Gunnar segir að rannsókn lögreglunnar, í ljósi þess að maðurinn hefur ekki verið heima hjá sér að undanförnu, snúist nú að mestu um að leita skýringa á þeim hvellum sem tilkynningar bárust um á fjórða tímanum í dag. Uppfært klukkan 21:25Íbúðin, sem lögreglan hafði setið í um 6 klukkustundir, reyndist mannlaus. Þetta kemur fram í tilkynningu sem lögreglan sendi frá sér nú rétt í þessu. Þar segir einnig að ekki er vitað hvort að um raunverulega skothvelli hafi verið að ræða. Lögreglan fór á sama vettvang í gær en þá fundust ummerki um að hleypt hafi verið úr haglabyssu á grindverk utan við húsið. Þá hafi lögreglan farið inn í íbúðina á níunda tímanum í kvöld og handlagt skotvopn og skotfæri. Lögreglan ítrekar mikilvægi þess að slíkar tilkynningar séu teknar alvarlega og farið sé með gát þegar grunur leikur á að um skothvelli sé að ræða í íbúabyggð. Uppfært klukkan 21:15Aðgerðum lögreglunnar við Hlíðarhjalla í Kópavogi er að ljúka. Búið er að kalla til baka sjúkrabíla sem höfðu verið á vettvangi en samkvæmt upplýsingum frá lögreglu var enginn í þeim utan sjúkraflutningamannanna. Lögregluaðgerðir höfðu staðið yfir við blokkina frá því á fjórða tímanum í dag. Uppfært klukkan 19:40Tveimur ungum konum og einu barni var hleypt út úr blokkinni við Hlíðarhjalla 53 um klukkan 19:40. Talið er að maður vopnaður haglabyssu haldi til í íbúð sinni. Aðrir íbúar hafa haldið til í blokkinni í dag á meðan á aðgerðum stóð en nú er talið að maðurinn sé einn í fjölbýlishúsinu. Sérsveitarmenn voru kallaðir út að fjölbýlishúsinu á fjórða tímanum vegna nokkurra ábendinga um skothvelli. Maðurinn er sagður hafa hleypt af byssunni af svölum íbúðar sinnar. Nærliggjandi svæðum við skólann var lokað og skólum í nágrenni gert viðvart. Síðustu nemendur í Álfhólsskóla Hjalla, sem stendur rétt við blokkina, voru farnir heim og aðeins starfsmenn á vettvangi. Var skólanum læst. Enn voru nemendur í Álfhólsskóla Digranesi sem er í nokkuð meiri fjarlægð frá blokkinni en þar var börnum haldið innandyra þar til foreldrar mættu á svæðið að sögn Sigrúnar Bjarnadóttur skólastjóra. Brýnir lögregla fyrir fólki að virða lokanir.Sjá einnig:„Hver veit hefði hann verið í aðeins verra skapi“ Lögreglan hefur reynt að ná sambandi við manninn í lengri tíma en án árangurs. Sérsveitarmenn sáust fara inn í blokkina með skjöld um klukkan 16:40. Talið er að samningamaður hafi verið með þeim í för. vinnur nú að því að ná sambandi við manninn en sjónarvottar sáu sérsveitarmenn fara inn í blokkina með skjöld um klukkan 16:40. Talið er að samningamaður lögreglunnar hafi verið með þeim. Þá hefur leyniskytta komið sér fyrir við húsið eins og sjá má á myndum sem fylgja þessari frétt af vettvangi.Sjá einnig:Skotið á bíl úr haglabyssu á sama stað í apríl Ásgeir Þór Ásgeirsson, stöðvarstjóri Lögreglunnar á höfuðborgarsvæðinu í Kópavogi og Breiðholti, sagði við fréttastofu síðdegis að lögregla hefði tekið þá ákvörðun í kjölfar ábendinga nágranna að loka ákveðnu svæði í kringum fjölbýlishúsið. „Sérsveitin var kölluð á vettvang og þeir eru búnir að einangra þessa íbúð sem við teljum að þetta ástand gæti verið í. Það er unnið að lausn málsins og sérsveitin fer með stjórn vettvangs.“Um er að ræða fjölbýlishús í grennd við Hjallakirkju.Vísir/VilhelmHafa ekki fengið svör Þegar rætt var við Ásgeir skömmu fyrir klukkan sex sagði hann engin svör hafa borist úr íbúðinni. „Við munum halda þessu umsátri áfram þangað til að annað kemur í ljós.“ Ásgeir sagði að lögreglan hefði verið í sambandi við alla íbúa í húsinu. Þeir væru í lagi. „Þau eru alveg örugg þar sem þau eru núna. Við teljum okkur vera með fulla stjórn á aðstæðum.“ Ásgeir vildi ekki segja til um hve margir væru eftir í húsinu né hve margir lögreglumenn væru að störfum. Tvær ungar konur og barn yfirgáfu húsið í fylgd lögreglu um klukkan 19:40. Talið er að síðan sé byssumaðurinn einn íbúa eftir í húsinu. Margir íbúar á svæðinu hafa fylgstmeð störfum lögreglu í dag. Þá er slökkvilið með sjúkraflutningamenn á staðnum. Íbúi í húsinu sem setti sig í samband við fréttastofu segir að haglaskot fundist í hafi fundist í girðingu í garðinum. Útlit hafi verið fyrir um að þeim hafi verið skotið úr íbúð mannsins.Frétt síðast uppfærð klukkan 19:45. Hún verður uppfærð eftir því sem frekari upplýsingar berast.Veistu meira um málið? Sendu okkur línu á ritstjorn@visir.is.Frá vettvangi.Vísir/VilliLeyniskytta lögreglunnar.Vísir/VIlhelmFrá vettvangiVísir/VilhelmLögreglumenn að störfum í húsinu.
Mest lesið Tveir reyndust í skotti bíls Innlent „Ef hann hefði verið einn þá hefði þetta getað farið miklu verr“ Innlent Býst við þremur áminningum til og hjólar í lögmannanefnd Innlent Segir valsað um sjúkraskrána eins og á rölti um Kringluna Innlent Fannst hann þvingaður til að afsala sér hundinum Innlent Starfsfólk Ítalíu vill bíl Eflingar burt Innlent Vill hætta við nýja brú yfir Ölfusá og spara milljarða króna Innlent 21 árs konu bjargað á Gasa tíu árum eftir að henni var rænt Erlent Lögmaður eiginkonunnar fyrrverandi segir lögreglu ljúga Innlent Harður þriggja bíla árekstur á Suðurlandsvegi Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira