60 prósent Bandaríkjamanna gefa sjálfum sér jólagjöf

Samkvæmt tölum frá National Retail Federation (NRF) gefa tæplega 60 prósent Bandaríkjamanna sjálfum sér jólagjöf. CNN Money greinir frá því að talan hafi nær tvöfaldast á síðustu tveimur árum.

Fólki finnst það eiga meiri pening til að eyða í sig sjálft í lok árs og eru ef til vill búnir að halda aftur af sér í innkaupum allt árið. Bandaríkjamenn hafa eytt minni pening á árinu en í fyrra, og hafa sparað meira, auk þess hefur verið á bensíni lækkkað og því hafa þeir meira á milli handanna í ár.

Verslanir hafa tekið eftir þessari þróun og eru farnar að velja vörur til að markaðssetja sérstaklega gagnvart þessum hópi.

Samkvæmt tölum frá NRF munu Bandaríkjamenn eyða í kringum 800 bandaríkjadölum, jafnvirði rúmlega 100 þúsund íslenskra króna í jólagjafir í ár. Þeir munu svo eyða 132 bandaríkjadölum, jafnvirði 17.500 íslenskra króna, í gjöf handa sjálfum sér.