Slóvenar burstuðu Króata

Hvíta-Rússland og Króatíu voru í eldlínunni í dag að spila æfingarleiki, en þessi lið eru í riðli með Íslandi á Evrópumeistaramótinu í Póllandi. Ísland leikur fyrsta leik sinn næsta föstudag gegn Noregi.

Hvíta-Rússland gerði jafntefli gegn Hollandi, 34-34, en Holland er ekki á leiðinni á EM. Það gekk hins vegar ekkert hjá Króatíu sem fékk skell gegn Slóvenum, 32-17.

Ísland mætir Noregi á föstudeginum, Hvíta-Rússlandi á sunnudeginum og Króatíu á þriðjudeginum, en þrjú efstu lið riðilsins fara svo áfram í milliriðla.

Þeir verða spilaðir frá 22. janúar til 27. janúar, en svo taka við undanúrslit og svo úrslit.