Viltu læra tísku-og "beauty“ ljósmyndun?

Tískuljósmyndarinn Kári Sverriss hélt um helgina námskeið í tísku og bjútí ljósmyndun í Ljósmyndaskólanum. Þar sem aðsóknin var mikil verður haldið annað námskeið dagana 6.-8.maí.

„Þetta er gott fyrir þá sem vilja læra meira um tísku og beauty ljósmyndun og sérstaklega hvað það  er sem er mikilvægt til þess að komast inn í tímaritin,“ segir Kári.

Hann útskrifaðist með meistaragráðu í ljósmyndun frá London Collage of Fashion og hefur síðan þá verið duglegur að koma sér áfram og hefur meðal annars myndað fyrir L'Officiel, Króatíska Elle, Couch og Íslenska Glamour.

„Þú þarft ekki að vera snillingur á myndavél, en það er gott að hafa áhuga á tísku og bjútíljósmyndun,“ bætir Kári við.

Allar upplýsingar um námskeiðið er að finna hér á síðu ljósmyndaskólans.