Guðjón Valur fer með til Portúgals

Geir Sveinsson þjálfari karlalandsliðsins í handbolta hefur valið þá sautján leikmenn sem fara til Portúgals í fyrramálið til undirbúnings fyrir síðari leik Íslands og Portúgals í undankeppni HM.

Íslenska liðið vann fyrri leikinn með þriggja marka mun, 26-23, í Laugardalshöllinni á sunnudaginn en seinni leikurinn fer fram á fimmtudagskvöldið í Porto í Portúgal.

Landsliðsfyrirliðinn Guðjón Valur Sigurðsson missti af fyrri leiknum vegna meiðsla en hann fer út með liðinu. Vignir Svavarsson er hinsvegar ekki leikfær og er ekki með í þessari ferð. Hornamaðurinn Guðmundur Árni Ólafsson dettur líka út úr hópnum en hann var ekki heldur í hóp í leiknum í Laugardalshöllinni.

Það fara því út allir sextán leikmennirnir sem voru í hóp á sunnudaginn og Guðjón Valur bætist síðan við. Síðari leikur Íslands og Portúgals fer fram fimmtudaginn 16. júní kl.20.00 í Porto.

Hópurinn er eftirfarandi:

Markmenn:

Aron Rafn Eðvarðsson, Alaborg

Björgvin Páll Gústavsson, Die Bergische Handball Club

Aðrir leikmenn:

Arnór Atlason, St. Raphael

Arnór Þór Gunnarsson, Die Bergische Handball Club

Aron Pálmarsson, MKB Veszprém

Ásgeir Örn Hallgrímsson, Nimes

Bjarki Már Elísson, Fuchse Berlin

Bjarki Már Gunnarsson, Aue

Guðjón Valur Sigurðsson, FC Barcelona

Guðmundur Hólmar Helgason, Valur

Gunnar Steinn Jónsson, VFL Gummersbach

Kári Kristján Kristjánsson, ÍBV

Ólafur Andrés Guðmundsson, IFK Kristianstad

Róbert Gunnarsson, Paris Handball

Rúnar Kárason, TSV Hannover-Burgdorf

Stefán Rafn Sigurmannsson, Rhein-Neckar Löwen

Tandri Konráðsson, Ricoh HK