„Engin spurning að Messi er langbesti leikmaður heims“

Luis Suárez, framherji Barcelona, telur samherja sinn Lionel Messi ekki bara vera besta leikmann heims heldur þann langbesta. Honum finnst að Messi eigi að fá Gullboltann þegar kosið verður um besta leikmann heims á næsta ári.

Suárez er ekki á því að titlarnir sem Ronaldo vann á þessu ári með Real Madrid og portúgalska landsliðinu séu nóg til að koma honum yfir Messi og það sem hann hefur afrekað. Messi hefur fimm sinnum verið kosinn bestur í heimi en Ronaldo þrisvar sinnum.

Messi skoraði 41 mark og gaf 26 stoðsendingar á síðustu leiktíð er Barcelona vann tvennuna annað tímabilið í röð. Ronaldo, aftur á móti, tryggði Real Madrid Evrópumeistaratitilinn með síðustu vítaspyrnunni gegn Atlético og varð Evrópumeistari með Portúgal.

Þessir tveir titlar gera Ronaldo ansi líklegan til að hreppa Gullboltann í fjórða sinn á ferlinum en ef Suárez fær að ráða tekur Messi hann heim í sötta sinn.

„Vissulega vann Ronaldo þessa titla en fyrir mér er engin spurning að Leo er besti leikmaður heims. Hvort sem hann vinnur þessi verðlaun eða ekki er hann langbesti leikmaður heims. Hann hefur meiri áhrif á leikinn en nokkur annar leikmaður,“ segir Suárez.

„Hann vann ekki Copa America með Argentínu en hann er búinn að vinna svo marga titla með Barcelona og mér finnst hann eiga skilið að fá Gullboltann,“ segir Luis Suárez.