Fullt hús stiga hjá Svíþjóð undir stjórn Kristjáns

Sænska landsliðið í handbolta byrjar af krafti undir stjórn Kristjáns Andréssonar en liðið vann í kvöld öruggan sigur á Slóvökum á útivelli 21-17.

Eftir 15 marka sigur á Svartfjallalandi á heimavelli í fyrsta leik var komið af erfiðara verkefni á útivelli í Slóvakíu.

Sænska liðið hinsvegar kafsigldi heimamenn í fyrri hálfleik og leiddi allt frá fyrstu mínútu. Fór munurinn þegar mest var í átta mörk en Svíþjóð leiddi 15-8 í hálfleik.

Slóvenar náðu aðeins að saxa á forskot Svía undir lok leiksins en komust aldrei nær en þrjú mörk.

Fögnuðu Svíar því öðrum sigrinum í röð undir stjórn Kristjáns en þetta voru fyrstu leikir liðsins undir hans stjórn.