Árni til Jönköpings

Árni Vilhjálmsson er á leið til sænska úrvalsdeildarliðsins Jönköpings. Þetta staðfesti hann í samtali við 433.is í kvöld.

Árni, sem er 22 ára framherji, kemur til Jönköpings frá Lilleström í Noregi. Árni gekk til liðs við norska liðið fyrir tveimur árum.

Árni skoraði tvö mörk í 21 deildarleik fyrir Lilleström. Hann var lánaður til Breiðabliks um mitt síðasta sumar og skoraði sex mörk í 12 leikjum í Pepsi-deildinni.

Jönköpings endaði í 12. sæti sænsku deildarinnar á síðasta tímabili.