Egyptaland engin mótstaða fyrir Króata.

Króatía mætir Spáni í átta liða úrslitum heimsmeistarakeppninnar í handbolta eftir 21-19 sigur á Egyptlandi í 16 liða úrslitum í kvöld.

Króatía tók öll völd á vellinum strax í upphafi leiks og virtist ætla að vinna öruggan sigur. Egyptland barðist og reyndi hvað liðið gat en Króatía var 13-7 yfir í hálfleik.

Það var í upphafi seinni hálfleiks sem baráttan kom Egyptum aftur inn í leikinn. Króatía skoraði aðeins eitt mark á fyrstu 11 mínútum hálfleiksins og Egyptaland minnkaði muninn í tvö mörk, 14-12.

Egyptaland náði þó aldrei að minnka muninn meira en í tvö mörk en liðið skoraði þrjú síðustu mörk leiksins og Króatía landaði verðskulduðum sigri.

Zlatko Horvat var markahæstur hjá Króatíu með 6 mörk. Luka Cindric skoraði 5. Hjá Egyptum Ahmed Elahmar markahæstur með 5 mörk.