Fannar tryllist yfir troðslu Clinch: „Það er eins og hann hafi verið að eignast barn“

Grindvíkingurinn Lewis Clinch sýndi mögnuð tilþrif þegar hann tróð yfir Njarðvíkinginn Loga Gunnarsson í leik liðanna í Domino's deild karla í gær.

Troðslan var frábær og vakti mikla lukku hjá strákunum í Domino's Körfuboltakvöldi.

Fannari Ólafssyni var sérstaklega skemmt en gamli landsliðsmiðherjinn stóð upp og fagnaði, líkt og hann hefði sjálfur troðið yfir Loga.

„Það er eins og hann hafi verið að eignast barn,“ sagði Fannar og glennti í sundur fæturna.

„Hann var kominn með átta í útvíkkun,“ bætti Jón Halldór Eðvaldsson við.

Innslagið má sjá í spilaranum hér að ofan.