Golf

Hoffman með fjögurra högga forystu

Ingvi Þór Sæmundsson skrifar
Hoffman er með fjögurra högga forystu á William McGirt.
Hoffman er með fjögurra högga forystu á William McGirt. vísir/epa
Bandaríkjamaðurinn Charley Hoffman er með forystu eftir fyrsta daginn á Mastersmótinu á Augasta-vellinum í Georgíu í Bandaríkjunum.

Hoffman lék hringinn í dag á 65 höggum, eða sjö höggum undir pari. Hann fékk alls níu fugla á holunum átján.

Hoffman er með fjögurra högga forystu á landa sinn, William McGirt. Englendingurinn Lee Westwood er svo í 3. sæti á tveimur höggum undir pari.

Kappar eins og Phil Mickelson, Justin Rose og Sergio Garcia eru svo á einu höggi undir pari.

Danny Willett, sem vann Mastersmótið í fyrra, er á einu höggi yfir pari.

Jordan Spieth, sem vann Mastersmótið 2015 og lenti í 2. sæti 2014 og 2016, náði sér ekki á strik í dag og er á þremur höggum yfir pari.

Efsti maður heimslistans, Dustin Johnson frá Bandaríkjunum, dró sig úr keppni vegna meiðsla.

Golf

Tengdar fréttir

Johnson datt í tröppum | Masters í uppnámi

Það vantar ekki dramatíkina í aðdraganda Masters en sigurstranglegasti kylfingur mótsins, Dustin Johnson, gæti þurft að draga sig úr keppni eftir að hafa meiðst í leiguíbúð sem hann er með í Augusta.

Ríkja þeir ungu áfram á Augusta?

Fyrsta risamót ársins í golfi, Mastersmótið á Augusta-vellinum, hefst í dag og heimurinn fylgist vel með. Marga kylfinga dreymir um að fá að klæðast græna jakkanum. Tveir efstu menn heimslistans eru í þeim hópi. Síðustu ár hafa ungir kylfingar slegið í gegn á mótinu.

Mest lesið


Fleiri fréttir

Sjá meira


×

Mest lesið