Gylfi: Eina sem Jói hefur gert af viti fyrir landsliðið í fjögur ár

Gummi Ben er með stjörnurnar í íslenska karlalandsliðinu í fótbolta í skemmtilegu spjalli í sérstökum hátíðarþætti af 1 á 1.

Gummi fór með fimm af strákunum á Grillmarkaðinn þar sem þeir gæddu sér á góðum mat og spjölluðu saman um heima og geima.

Eðlilega er vel rennt yfir EM frá því síðasta sumar. Í umræðu um leikinn gegn upphafsleikinn gegn Portúgal ákvað Gylfi Þór Sigurðsson aðeins að punda á Jóhann Berg Guðmundsson.

„Þetta var frábær sending frá Jóa á Birki í markinu. Þetta er í eina skiptið sem Jói hefur gert eitthvað af viti fyrir landsliðið í fjögur ár. Ég er því sáttur með þessa sendingu,“ segir Gylfi kíminn og Jói bætir við að hann lifi á fornri frægð í landsliðinu eftir þrennuna frægu í Sviss.

„Það var fyrir fimm árum. Ég lifi enn á því. Ég er enn í liðinu bara út af þessari þrennu.“

Sjá má umræðuna hér að neðan. Þátturinn er á dagskrá Stöðvar 2 Sport klukkan 22.00 á föstudag.