Sjáðu þrennuna hjá sjóðheitum Matthíasi | Myndband

Matthías Vilhjálmsson, leikmaður Noregsmeistara Rosenborg, er sjóðheitur þessa dagana en hann skorar og skorar fyrir toppliðið.

Ísfirðingurinn setti þrennu í bikarleik á móti 1. deildar liði Levanger í fyrradag en Matthías hefur nýtt tækifæri sín afskaplega vel með Rosenborg í byrjun tímabils.

Samkeppnin er mikil í liðinu og ekki minnkaði hún þegar Nicklas Bendtner gekk í raðir meistaranna. Matthías lætur sér fátt um finnast og er búinn að skora sex mörk í síðustu fjórum leikjum í deild og bikar.

Rosenborg komst áfram í bikarnum með 4-2 útisigri á Levanger þar sem Matthías skoraði þrennu eftir að Pål André Helland var búinn að koma meisturunum í 1-0.

Þrennu Matthíasar má sjá hér að neðan.