Handbolti

Þessi lið komust á EM í Króatíu

Ingvi Þór Sæmundsson skrifar
Íslensku strákarnir verða með á EM í Króatíu á næsta ári.
Íslensku strákarnir verða með á EM í Króatíu á næsta ári. vísir/anton
Nú liggur ljóst fyrir hvaða 16 lið keppa á EM í handbolta í Króatíu á næsta ári.

Íslendingar verða þar á meðal en strákarnir okkar hafa verið með á öllum Evrópumótum frá árinu 2000. Þá var EM einmitt haldið í Króatíu.

Ísland tryggði sér þátttökurétt á EM á næsta ári með sigri á Úkraínu í kvöld, 34-26. Íslensku strákarnir fóru áfram sem liðið með besta árangurinn í 3. sæti riðlanna sjö í undankeppninni.

Tveir aðrir íslenskir þjálfarar en Geir Sveinsson verða með lið á EM á næsta ári; Kristján Andrésson, sem þjálfar sænska landsliðið, og Patrekur Jóhannesson, sem stýrir Austurríki.

Þrjú lið hafa verið með á öllum 12 Evrópumótunum sem haldin hafa verið; Króatía, Spánn og Frakkland. Þau verða að sjálfsögðu öll með á næsta ári.

Austurríki hefur minnsta EM-reynslu af liðunum 16 en austurríska liðið er aðeins að taka þátt á sínu þriðja Evrópumóti.

Dregið verður í riðla á föstudaginn kemur.

Þessi lið komust á EM:

Króatía - 12 sinnum með

Spánn - 12x

Frakkland - 12x

Danmörk - 11x

Svíþjóð - 11x

Þýskaland - 11x

Slóvenía - 10x

Ungverjaland - 10x

Ísland - 9x

Tékkland - 8x

Noregur - 7x

Serbía - 4x

Makedónía - 4x

Hvíta-Rússland - 4x

Svartfjallaland - 3x

Austurríki - 2x

EM 2018 í handbolta

Tengdar fréttir

Rússar ekki með á EM í fyrsta sinn

Rússneska karlalandsliðið í handbolta verður ekki á meðal þátttökuliða á EM í Króatíu á næsta ári. Þetta var ljóst eftir 27-27 jafntefli Rússlands og Svartfjallalands í síðasta leik liðsins í undankeppni EM í dag.

Patrekur kom Austurríki á EM

Strákarnir hans Patreks Jóhannessonar í austurríska landsliðinu tryggðu sér í kvöld sæti á EM 2018 í Króatíu með sigri á Bosníu, 34-32, í Vín í hreinum úrslitaleik um sæti í lokakeppninni.

Mest lesið


Fleiri fréttir

Sjá meira


×

Mest lesið