Mikið vatn blandað mold og leðju flæðir niður hlíðina á Eskifirði

Mikið vatn flæðir nú niður Hlíðarendaá fyrir ofan Eskifjörð en mikil úrkoma og vindasamt hefur verið á landinu austantil í dag.

Eins og sjá má á myndum og myndböndum sem tekin hafa verið tekin fyrir austan í dag má sjá það mikla magn sem flæðir niður.

Að neðan má sjá nokkrar myndir sem Gungör Gunnar Tamzok og Snorri Aðalsteinsson á Eskifirði birtu af svæðinu og sem og myndband Visit Eskifjörður.

Ástæðan fyrir því hve vatnsmikil Hlíðardalsá er um þessar mundir sé að unnið er að því að hreinsa árfarveg ár í nágrenninu. Meðan sú vinna stendur yfir er vatni úr þeirri á veitt í Hlíðarendaá sem er afar vatnsmikil af þeim sökum.



Á vef Veðurstofunnar segir að búist sé við stormi (meira en 20 m/s) austan Öræfa og sunnantil á Austfjörðum með vindhviðum allt að 35 metra á sekúndu í dag og nótt. „Mikil úrkoma austantil á landinu, og síðan einnig á norðanverðum Ströndum í kvöld. Staðbundin flóð eru líkleg og aukin hætta á skriðuföllum.“