Fótbolti

Matthías og Daníel Leó í liði mánaðarins

Ingvi Þór Sæmundsson skrifar
Matthías og Daníel Leó voru góðir í júní.
Matthías og Daníel Leó voru góðir í júní. vísir/getty
Tveir Íslendingar eru í liði júní-mánaðar í norsku úrvalsdeildinni hjá tölfræðisíðunni WhoScored.com.

Þetta eru Matthías Vilhjálmsson, leikmaður Rosenborg, og Daníel Leó Grétarsson, leikmaður Aalesund.

Matthías fékk 7,8 í meðaleinkunn fyrir frammistöðu sína í júní. Ísfirðingurinn skoraði tvö mörk og gaf eina stoðsendingu í þremur deildarleikjum fyrir topplið Rosenborg í júní.

Matthías hefur alls skorað fimm mörk og gefið þrjár stoðsendingar í norsku úrvalsdeildinni og skorað sjö mörk í þremur bikarleikjum.

Matthías skoraði og lagði upp mark í 3-3 jafntefli gegn Kristiansund í gær og var valinn í lið 15. umferðar norsku úrvalsdeildarinnar hjá WhoScored. Björn Bergmann Siguarðarson var einnig í liði 15. umferðarinnar en hann var á skotskónum í 3-2 sigri Molde á Viking.

Daníel Leó spilaði þrjá leiki með Aalesund í júní. Einn þeirra vannst, einn tapaðist og einn endaði með jafntefli. Daníel Leó var valinn maður leiksins í 0-1 tapi fyrir Haugesund. Aalesund er í 5. sæti deildarinnar.

Lið júní-mánaðar
Lið 15. umferðar
Fótbolti á Norðurlöndum

Tengdar fréttir

Björn skoraði enn og aftur

Molde er komið upp í fjórða sætið í norsku úrvalsdeildinni eftir dramatískan 3-2 sigur á Viking í dag.

Mest lesið


Fleiri fréttir

Sjá meira


×

Mest lesið