Sonur George Weah semur við PSG

Sonur líberísku goðsagnarinnar George Weah hefur gert þriggja ára atvinnumannasamning við Paris Saint-Germain.

Timothy Weah, sem er 17 ára gamall, hefur verið á mála hjá PSG síðan 2014. Hann fæddist í New York og hefur spilað fyrir yngri landslið Bandaríkjanna.

Faðir Timothys lék með PSG á árunum 1992-95 og varð einu sinni franskur meistari og tvisvar sinnum bikarmeistari með liðinu.

George Weah fékk Gullboltann 1995 og var auk þess valinn besti leikmaður heims af FIFA sama ár.

George Weah er núna þingmaður í heimalandinu.

PSG proudly announces that Timothy Weah has signed his first professional contract with the club
https://t.co/VMU6Cb7aaa pic.twitter.com/tBmHm7c3qt

— PSG English (@PSG_English) July 3, 2017