Hannes fékk á sig tvö mörk í tapi

Landsliðsmarkvörðurinn Hannes Þór Halldórsson fékk á sig tvö mörk í 2-1 tapi Randers gegn Midtjylland á útivelli í dönsku úrvalsdeildinni í dag.

Framherjinn stóri og stæðilegi Paul Onachu kom Midtjylland yfir á 19. mínútu áður en Marvin Pourie jafnaði fyrir Randers.

Jonas Borring skoraði svo sigurmarkið í upphafi síðari hálfleiks fyrir Midtjylland sem hefur unnið tvo af fyrstu þremur leikjunum.

Ólafur Kristjánsson þjálfar Randers sem er með eitt stig eftir fyrstu þrjá leikina í dönsku úrvalsdeildinni.