Styttist í skil á fjölmiðlaskýrslu

„Ég vil skila skýrslu til ráðherra í þessum mánuði,“ segir Björgvin Guðmundsson, formaður nefndar sem fjallar um bætt rekstrarumhverfi einkarekinna fjölmiðla.

Það var Illugi Gunnarsson, þáverandi mennta- og menningarmálaráðherra, sem skipaði nefndina hinn 3. janúar síðastliðinn. Illugi sagði að nefndin væri skipuð í framhaldi af því að fulltrúar einkarekinna fjölmiðla hefðu vakið athygli stjórnvalda á erfiðleikum sem blasa við í rekstri þeirra.

Núverandi ráðherra, Kristján Þór Júlíusson, tekur við skýrslunni af nefndinni.