Innköllun á Gammeldags Lakrids frá Kólus

Kólus hefur í samráði við Heilbrigðiseftirlit Reykjavíkur innkallað Gammeldags Lakrids í 350 gr. umbúðum vegna þess að varan gæti innihaldið aðskotahlut. Brot úr hörðu plasti fannst í einum pokanum af vörunni og því eru allir 350 gr. pokar af Gammeldags Lakrids merktir best fyrir 01.05.18 innkallaðir.

Gammeldags Lakrids er dreift á sölustaði um allt land en notendur sem hafa keypt Gammeldags Lakrids með þessari dagsetningu mega skila honum þangað sem hann var keyptur eða til Kólus, Tunguhálsi 5.

Eftirfarandi upplýsingar auðkenna vörurnar sem innköllunin einskorðast við:

Vöruheiti:  Gammeldags Lakrids

Strikanúmer: 5690657000369

Nettómagn: 350g

Best fyrir: 01.05.18

Lotunúmer: L 305

Framleiðandi: Kólus ehf, Tunguhálsi 5, 110 Reykjavík

Dreifing: Sölustaðir um allt land.