Dagur: Úrslitakeppnin verður algjör negla

Dagur Sigurðsson hefur fylgst vel með gangi mála í Olís deildunum í vetur og er reglulegur gestur í Seinni bylgjunni á Stöð 2 Sport. Dagur ræddi við Guðjón Guðmundsson í Sportpakkanum í kvöldfréttum Stöðvar 2 í kvöld.

Hann segir það hafa komið sér á óvart hversu sterk deildin sé og hversu jöfnn hún er.

„Ég held að leikmenn geti verið í ennþá betra formi. Við þurfum að passa upp á það að allir séu að æfa 11 mánuði á ári. Ég held það vanti aðeins upp á það, pásan sé orðin of löng hjá mörgum liðum,“ sagði Dagur.

Gaupi gat ekki sleppt Degi án þess að spurja hann út í möguleika íslenska landsliðsins á Evrópumeistaramótinu sem hefst í Króatíu í janúar.

„Ég held að liðið sé gríðarlega sterkt, með reynslumikla menn. En verður alltaf spurning um vörn og markvörslu, ef þeir ná því upp þá er allt mögulegt,“ sagði Dagur Sigurðsson.