Bein útsending: #Metoo upplestur í Borgarleikhúsinu

Hátt í 40 konur úr fjölmörgum stéttum koma fram á #Metoo viðburðum víða um land í dag þar sem lesnar verða frásagnir íslenskra kvenna í tengslum við átakið. Viðburðirnir fara fram í Borgarleikhúsinu, Samkomuhúsinu á Akureyri og á Seyðisfirði. 

Á Nýja sviði Borgarleikhússins stígur meðal annars Katrín Jakobsdóttir forsætisráðherra á stokk ásamt þekktum konum úr heimi leiklista, íþrótta og stjórnmála. Viðburðurinn hefst klukkan 16 og er hægt að horfa á hann í beinni útsendingu hér að neðan

Meðal þeirra sem koma fram í Borgarleikhúsinu eru auk Katrínar þær Steinunn Valdís Óskarsdóttir fyrrum borgarstjóri, leikkonurnar Kristbjörg Kjeld, Halldóra Geirharðsdóttir og Ilmur Kristjánsdóttir, tónlistarkonan Hildur, Kolbrún Benediktsdóttir saksóknari, Áslaug Arna Sigurbjörnsdóttir alþingiskona, Hrafnhildur Lúthersdóttir ólympíufari, Björk Eiðsdóttir ritstjóri, Ingibjörg Dögg Kjartansdóttir ritstjóri og fleiri.