Handbolti

Fjórir sterkir leikmenn úr leik hjá Serbum

Ingvi Þór Sæmundsson skrifar
Momir Rnic verður ekki með á EM.
Momir Rnic verður ekki með á EM. vísir/getty
Fjórir sterkir leikmenn hafa helst úr lestinni hjá serbneska handboltalandsliðinu fyrir EM í Króatíu í næsta mánuði.

Þetta eru þeir Strahinja Milic, Momir Rnic, Ilija Abutovic og Rastko Stojkovic.

Milic er markvörður sem leikur með Evrópumeisturum Vardar. Abutovic, sem er rétthent skytta, leikur einnig með Vardar.

Stojkovic er reyndur línumaður sem leikur með Meshkov Brest í Hvíta-Rússlandi.

Rnic er rétthent skytta sem leikur með Þýskalandsmeisturum Rhein-Neckar Löwen.

Serbía er í riðli með Íslandi, Króatíu og Svíþjóð á EM. Íslendingar mæta Serbum í lokaleik riðilsins 16. janúar.

EM 2018 í handbolta

Mest lesið


Fleiri fréttir

Sjá meira


×

Mest lesið