Skrautleg endurkoma Diego Costa

Atletico Madrid lætur ekki sitt eftir liggja í toppbaráttu spænsku deildarinnar. Liðið vann þægilegan 2-0 sigur á heimavelli gegn Getafe fyrr í dag.

Atletico er eftir sigurinn í dag 6 stigum á eftir Barcelona, sem tróna á toppi deildarinnar og eiga auk þess leik til góða.

Vandræðagemsinn Diego Costa skoraði síðara mark leiksins en þetta var fyrsti deildarleikur Costa fyrir Atletico á þessu tímabili eftir vistaskipti frá Chelsea.

Costa var svo ánægður með þetta fyrsta deildarmark sitt á tímabilinu að hann fagnaði því með aðdáendum Atletico.

Dómarinn var ekki par hrifinn af því og gaf Costa gult spjald fyrir. Hans síðara í leiknum og fékk hann því reisupassann. Verður hann því í banni í næsta deildarleik Atletico.