Domino's Körfuboltakvöld: KR verður ekki Íslandsmeistari með Brandon Penn

Hermann Hauksson og Kristinn Friðriksson tóku stórar ákvarðanir í framlengingu Körfuboltakvölds í gærkvöldi.

Meðal þess sem var til umræðu hjá þeim félögum var hvað KR-ingar og Keflvíkingar eiga að gera í útlendingamálum sínum.

„Brandon Penn á ekki að vera áfram hjá KR. Þessi gæi hentar þessu KR-liði engan veginn og það er allt búið að dempast niður hjá þeim. Það er allur kraftur farinn úr KR og það er ekki bara hægt að kenna því um að Jón og Pavel séu í burtu. Þetta lið, með Pavel og Jón, verður ekki Íslandsmeistari,“ sagði Kristinn og Hermann tók í sama streng.

Fleiri áhugaverð málefni voru tekin fyrir í framlengingunni þar sem bikarhelgin var til að mynda rædd auk þess sem menn sögðu sínar skoðanir á fallbaráttunni.