Talibanar í Afganistan, sem erlent herlið undir stjórn Bandaríkjahers eyddi fjöldamörgum árum og milljörðum dollara í að uppræta, starfa nú óáreittir á um sjötíu prósent af landsvæði Afganistans.
Þetta er fullyrt í nýrri úttekt BBC um ástandið í þessu stríðshrjáða landi.
Uppgangur Talíbana hefur verið gríðarlegur allt frá því síðustu hermennirnir úr alþjóðaliðinu fóru árið 2014, en nú eru aðeins hernaðarráðgjafar í landinu sem aðstoða við að byggja upp afganska herinn.
Mikil aukning hefur orðið á sprengju- eða hryðjuverkaárásum í landinu síðustu misserin en auk Talíbana eru hryðjuverkasamtökin ISIS öflug í landinu.
Talibanar starfa óáreittir í stærstum hluta Afganistans
Tengdar fréttir
Gerðu árás á herstöð í Kabúl
Vígamenn gerðu í nótt árás á herstöð í grennd við herskólann í afgönsku höfuðborginni Kabúl og skutu til bana að minnsta kosti fimm afganska hermenn og særðu tíu.
Yfir 130 látnir í árásum á aðeins 9 dögum
Yfir 130 manns hafa týnt lífi í mannskæðum árásum í Kabúl, höfuðborg Afganistan, á rétt rúmri viku.
