Messi og félagar stoppa í Tel Aviv á leiðinni í Íslandsleikinn

Síðasti vináttulandsleikur Argentínumanna fyrir HM í Rússlandi, og þar með leikinn á móti Íslandi, verður á móti Ísrael 9. júní næstkomandi.

Argentínska landsliðið verður í æfingabúðum í Barcelona frá 1. til 8. júní en stoppar svo í Tel Aviv á leiðinni til Rússlands. Leikurinn við Ísrael fer fram sjö dögum fyrir leik Íslands og Argentínu í Moskvu.

Óskastaða Jorge Samapoli, þjálfara argentínska landsliðsins, var að spila þennan vináttuleik í Barcelona en plönin breyttust. Þess í stað flýgur liðið í þrjá tíma til Tel Aviv og mætir heimamönnum.

AMISTOSO CONFIRMADO

El 9 de junio, a una semana del debut ante Islandia en el Mundial, la selección argentina  hace escala en Tel Aviv para enfrentar a Israel  pic.twitter.com/SObb1U63T8

— Luciana Rubinska (@LRubinska) February 26, 2018

Argentínska landsliðið spilar þrjá aðra vináttulandsleiki fyrir HM en fyrstu tveir af þeim verða á móti Ítalíu (í Manchester í Englandi) og Spáni (í Madrid) í mars. Liðið mætir einnig Japönum í Japan 30. maí.

Íslenska landsliðið leikur tvo síðustu undirbúningsleiki sína heima á Íslandi, þann fyrri á móti Noregi 2. júní og þann síðari væntanlega á móti Gana 6. júní þótt að það sé ekki búið að staðfesta þann leik.