Tiger Woods með mestu yfirburðina í íþróttaheiminum á síðustu tuttugu árum

ESPN The Magazine heldur upp á tuttugu ára útgáfuafmæli sitt þessa dagana og blaðmann hafa við það tilefni reiknað út hvaða íþróttamaður í heiminum hefur sýnt mestu yfirburðina í íþrótt sinni á þessum tíma.

Blaðmenn ESPN The Magazine notuðu tölfræði til að rökstyðja val sitt og fundu út svokallaða yfirburðar-einkunn eða „Dominance rating“ eins og þeir kalla þennan stuðul sinn.

Sá sem kom bestur út úr þessum útreikningi og tryggði sér titilinn  mesti yfirburðar íþróttamaður heims síðustu tuttugu ár er kylfingurinn Tiger Woods.

Tiger Woods var vissulega magnaður á árunum 1999 til 2009 þegar hann vann 5,8 PGA-mót á meðaltali á ári og tryggði sér sigur á þrettán risamótum en sá næstbesti vann þrjú risamót á sama tíma. Yfirburðir hans á þessum tíma voru jafn magnaðir og það var erfitt að horfa upp á allskyns erfiðleika hans síðari áratuginn.

Tiger Woods hafði betur í baráttunni við NBA-körfuboltamanninn LeBron James, ameríska fótboltamanninn Peyton Manning, NASCAR-ökumanninn Jimmie Johnson og tenniskappann Roger Federer en þeir eru í næstu sætum.

It's ESPN the Magazine's 20th anniversary, and to celebrate, we're ranking the most dominant athletes of the past 20 years.

Who's No. 1? He's on our cover. pic.twitter.com/rkfAEmsi5K

— ESPN (@espn) March 18, 2018

Efsta konan á listanum er sænsku kylfingurinn Annika Sorenstam sem er í sjötta sæti á heildarlistanum. Ein önnur kona er inn á topp tíu og það er hin brasilíska Marta.

Tenniskonan Serena Williams, besta tenniskona allra tíma er í tólfta sæti, einu sæti á undan áströslku körfuboltakonunni Lauren Jackson.

Marta er bestu fótboltaleikmaðurinn á þessum tuttugu árum því hún er sett ofar en bæði argenínski knattspynumaðurinn Lionel Messi (11. sæti) og portúgalski knattspyrnumaðurinn Cristiano Ronaldo (14. sæti).

Það vekur þó sérstaklega athygli að jamaíski spretthlauparinn Usain Bolt nær aðeins tíunda sæti á listanum þrátt fyrir að vinna átta Ólympíugull og ellefu heimsmeistaratitla á tíu ára kafla.

Það má lesa mjög flotta og vel útlistaða samantekt ESPN  á listanum með því að smella hér en topp tuttugu listinn er síðan hér fyrir neðan.



Mestu yfirburðir íþróttafólks í heiminum síðustu tuttugu árin:

1. Tiger Woods, golf

2. LeBron James, körfubolti

3. Peyton Manning, amerískur fótbolti

4. Jimmie Johnson, kappakstursökumaður

5. Roger Federer, tennis

6. Annika Sorenstam, golf

7. Michael Schumacher, formúla eitt

8. Floyd Mayweather, box

9. Marta, fótbolti

10. Usain Bolt, frjálsar íþróttir

11. Lionel Messi, fótbolti

12. Serena Williams, tennis

13. Lauren Jackson, körfubolti

14. Cristiano Ronaldo, fótbolti

15. Novak Djokovic, tennis

16. Allyson Felix, frjálsar íþróttir

17. Barry Bonds, hafnarbolti

18. Mike Trout, hafnarbolti

19. Manny Pacquiao, box

20. Tom Brady, amerískur fótboltii