Sjáðu af hverju snjór er ekkert mál fyrir leikvanginn sem hýsir íslenska landsliðið á morgun

Íslenska karlalandsliðið í fótbolta er komið til New York borgar þar sem liðið mætir Perú í vináttulandsleik á morgun.

Strákarnir okkar eru komnir í aðeins kaldara umhverfi en þegar þeir voru staddir í San Francisco í síðustu viku.

Leikvangurinn sem hýsir leikinn er Red Bull Arena í New Jersey en það er heimavöllur MLS-liðsins New York Red Bulls.

Það snjóar oft á menn í New York en umsjónarmenn Red Bull Arena eiga réttu svörin við því eins og sjá má hér fyrir neðan.

sNOw problem for @redbullarena#RBNYpic.twitter.com/6FEfviZaeh

— New York Red Bulls (@NewYorkRedBulls) March 24, 2018

Leikvöllurinn á Red Bull Arena verður því fagurgrænn og glæsilegur þegar íslenska landsliðið spilar á honum á morgun.

Hér fyrir neðan má síðan sjá íslensku strákana spóka sig um í New Jersey þar sem þeir horfa yfir til Manhattan.

We have arrived in New Jersey

                                                                    Decent view.                                                 #fyririslandpic.twitter.com/6nxJR8wWmr

— Knattspyrnusambandið (@footballiceland) March 25, 2018