Sara Björk á skotskónum í Íslendingaslag

Sara Björk Gunnarsdóttir skoraði eitt marka Wolfsburg í 5-0 stórsigri liðsins gegn Slavia Prague í fyrri leik liðanna í 8-liða úrslitum Meistaradeildar Evrópu.

Pernille Harder kom Wolfsburg yfir strax á tólftu mínútu og mínútu síðar tvöfaldaði Caroline Hansen forystuna. Sara Björk kom svo Wolfsburg í 3-0 fyrir hlé.

Daninn, Pernille Harder, skoraði annað mark sitt og fjórða mark Wolfsburg á 58. mínútu og varamaðurinn Ewa Pajor skoraði fimmta og síðasta mark leiksins.

Sara Björk spilaði allan leikinn fyrir Wolfsburg oa það gerði Sandra María Jessen einnig fyrir gestina sem eru í erfiðri stöðu fyrir síðasti leikinn sem fer fram næsta miðvikudag.