Fótbolti

Íslenska karlalandsliðið dettur niður um fjögur sæti á nýja FIFA-listanum

Óskar Ófeigur Jónsson skrifar
Gylfi Þór Sigurðsson gat ekki hjálpað íslenska landsliðinu í Bandaríkjaferðinni þar sem hann meiddist illa rétt fyrir hana.
Gylfi Þór Sigurðsson gat ekki hjálpað íslenska landsliðinu í Bandaríkjaferðinni þar sem hann meiddist illa rétt fyrir hana. Vísir/Getty
Íslenska fótboltalandsliðið er ekki lengur í hópi tuttugu bestu knattspyrnuþjóða heims. Tapleikirnir á móti Mexíkó og Perú hafa sínar afleiðingar.

Íslenska karlalandsliðið í fótbolta mun nefnilega falla niður um fjögur sæti á FIFA-listanum þegar nýr listi verður gefinn út í næstu viku.

Það er spænski tölfræðingurinn Alexis Martín-Tamayo sem hefur reiknað út stöðu 70. efstu þjóða á listanum sem verður gefinn út á fimmtudaginn kemur.

Íslenska landsliðið hefur verið í þrjá mánuði meðal tuttugu bestu knattspyrnuþjóða heims en ekki lengur.





Íslenska liðið var í 18. sæti á síðustu tveimur listum en verður komið niður í 22. sæti í aprílútgáfu listans.

Ísland tapaði 3-0 á móti Mexíkó og 3-1 á móti Perú í vináttulandsleikjum sínum í mars en þeir voru báðir spilaðir í Bandaríkjunum.

Þjóðirnar sem komast upp fyrir Ísland eru Túnis (14. sæti), Úrúgvæ (17. sæti), Holland (19. sæti) og Wales (21. sæti). Túnisbúar hækka um níu sæti.

Ellefu HM-þjóðir eru neðar en Ísland á nýja listanum. Það eru Svíþjóð (23. sæti), Kosta Ríka (25. sæti), Senegal (28. sæti), Serbía (35. sæti), Íran (36. stæi), Ástralía (40. sæti), Marakkó (42. sæti), Egyptaland (46. sæti), Nígería (47. sæti), Panama (55. sæti), Japan (60. sæti), Suður-Kórea (61. sæti), Rússland (66. sæti) og Sádí Arabía (70. sæti).

HM 2018 í Rússlandi

Mest lesið


Fleiri fréttir

Sjá meira


×

Mest lesið