Er Griezmann að ganga í raðir Barcelona?

Luis Suarez, framherji Barcelona, gaf sterklega í skyn að Antoine Griezmann, ein af skærustu stjörnum Atletico Madrid, gæti gengið í raðir Börsunga von bráðar.

Griezmann hefur verið orðaður mikið við Barcelona en hann hefur skorað 27 mörk á þessu tímabili hjá Atletico í öllum keppnum. Atletico er komið í úrslitaleik Evrópudeildarinnar.

„Það gerir félagið stolt að koma með leikmenn eins og Antoine, Dembele og Coutinho inn í félagið,” sagði Suarez í samtali við Radio Rincon. „Hann hefur spilað á hæsta stigi með Atletico í mörg ár.”

„Hann er ekki að koma til að taka plássið af einhverjum en kemur inn með hugarfar sigurvegarans. Við bjóðum hann velkominn,” sagði Suarez. Athyglisvert viðtal.